Энэ бүхнийг нуршсаны учир гэвэл Дорнод аймагт бас л энэхүү *хужаагийн түрэмгийлэл* газар авч эхэлжээ. Манай улсын зүүн хязгаар Дорнод аймаг бол Эрдэнэт, Дарханы дараа орох том хот гэгддэг. Байгаль газар зүйн хувьд харьцангуй ашигтай байрлалтай энэ аймагт амжиргааны төвшин ч харьцангуй өндөр. Учир нь тал хангай хосолсон нутаг дэвсгэртэй, бэлчээрийн даац, хадлан тариалангийн таатай орчинтой, дээр нь Орос, Хятад хоёр улстай хилэлдэг зэргийг дурдаж болно. Дээр нь нефть, уран, алт, нүүрс… гээд цааш нь үргэлжлүүлж болно. Дорнод аймгийн төвийн хүн амын дийлэнх нь арилжаа наймаа, бизнес эрхэлж амьдардаг. Гэтэл саяханаас урд хилийг нь байнга нээлтэй байлгах асуудал сөхөгдөж нааштайгаар шийдэгдэж тэдний магнайг тэнийлгэжээ. Гэтэл тэд удаан баярласангүй. Урд хил нь байнга нээлттэй байдаг болж хөөрч байтал бас нэгэн сөрөг асуудал түүнийг даган урган гарч ирэв. Зах дээр наймаа эрхэлж амьдралаа залгуулдаг наймаачид шахагдаж амьдралын баталгаагүй болж эхэлжээ. Учир нь хил нь байнга нээлттэй байдаг болсноор хятадын наймаачид бөөн бөөнөөрөө орж ирэн зах болон ашигтай байрлал газруудыг өндөр үнээр түрээслэн авч монгол наймаачид, бизнесменүүдийг шахаж эхэлсэн байна. Жишээ нь гэхэд зах дээр гурил будаа, ногоо гэх мэт хүнсний зүйл зарж амьдралаа залгуулдаг байсан наймаачдын зогсдог байсан газар, павилонуудыг хоёр дахин өндөр үнэ төлж хужаа нар түрээслэн авах болжээ. Ийнхүү хөөрхий хэдэн монгол наймаачид маань ар гэр амьдралаа залгуулдаг байсан амжиргаанаасаа хагацан яах учраа мэдэхгүй дээшээ тэнгэр хол доошоо газар хатуу гэгч болоод байгаа гэнэ. Энэ мэт *хятадын түрэмгийлэл* бас нэгэн аймгийг маань эзлэж эхлээд байна. Төр засаг маань хоёр улсын асуудлуудыг ард түмнийхээ ашиг сонирхолыг харгалзан нарийн бодлого зохицуулалттай шийдвэрлэж байхгүй бол цөөхөн хэдэн монголчууд минь удахгүй гадныхны боол болох нь байна шүү дээ. Харийн нутагт очоод хамаг хүнд хар ажлыг нь хийж өгдөг бид одоо бүр эх нутагтаа эзэн нь сууж чадахгүй бол үүнийг үндэсний эмгэнэл л гэхээс яахав. Үүнийг холбогдох байгууллагууд нь анхааралдаа авах цаг хэдийн болжээ.
*Эх нутгийнхаа алга дарам газрыг бурханд ч өгч үл болно* гэсэн өвгөдийн сургаал хаачив.

Болод.М /olloo.mn/