Ерөнхийлөгчийн санаачилсан Монгол Улсын засаг захиргаа, нутаг дэвсгэрийн хуваарийг шинэчлэх асуудлаар ард нийтийн санал асуулга явуулах тухай УИХын тогтоолын төслийг УЙХын дэд дарга Д.Лүндээжанцанд Ерөнхийлөгчийн Тамгын газрын дарга Б.Батхишиг, зөвлөх Г.Баясгалан нар өчигдөр өргөн барилаа. УИХын дэд дарга Д.Лүндээжанцан Энэ бол олон нийтийн анхаарлын төвд байгаа асуудал учир УИХ дээр маш нухацтай ярилцах учиртай. Ард нийтийн санал асуулга явуулахад УИХын гишүүдийн гуравны хоёроос доошгүй нь буюу 51 гишүүн шийдвэр гаргах өндөр босготой байдаг. Засаг захиргааны шинэчлэл нь нэг талдаа Үндсэн хуулийн, нөгөөтэйгүүр олон хүний эрх ашиг, сонирхолтой холбогдох учир цаг хугацаа, хөрөнгө хүч шаардах ажил. Иймд гоомой хандах эрх бидэнд байхгүй. УИХ, холбогдох Байнгын хороод дээр сайтар ярилцах нь зүйтэй хэмээн ярьж байв. УИХ ард нийтийн санал асуулга явуулахаас нэг сараас доошгүй хугацааны өмнө шийдвэр гаргасан байхаар хуульд заажээ. Ийм учраас долоо хоног хүрэхгүй хугацаа үлдэж байгааг дуулгаад ирэх долоо хоногийн хэлэлцэх асуудал нэгэнт шийдвэрлэсэн ч дахин ярилцахаар болж тогтоолын төслийг хүлээн авлаа.

2005.04.16, Зууны мэдээ