Тэрбээр Үндэсний аюулгүй байдлын зөвлөлийн даалгавраар ашигт малтмалын лиценз олгож буй байдалд аудит хийснээ дүгнэж Ерөнхийлөгч Н.Багабандид ийн тайлагнасан.
Ерөнхий аудитор ашигт малтмалын хайгуулын лиценз зарим хүний гарт олон тоогоор төвлөрснийг Үйлдвэр, худалдааны яам, Газрын тосны хэрэг эрхлэх газрын албан тушаалтнуудын хариуцлагагүй үйлдэлтэй холбож ойлгосноо Ерөнхийлөгчид дуулгалаа. Тухайлбал, Номиндарь, Гантулга хэмээх иргэд тус бүр 80 лиценз аваад байгаа аж. Мөн зарим компани 100-200 лицензтэй хэрнээ ашиглахгүй, орлого хааж байгааг Л.Жавзмаа дурдсан.
Ерөнхий аудитор шалгалтын эцэст Ашигт малтмалын тухай хуульд нэмэлт, өөрчлөлт оруулах, лиценз олгодог дүрэм журмыг өөрчлөх шаардлагатай болжээ гэсэн дүгнэлтэд хүрчээ. Үйлдвэр, худалдааны сайд С.Батболд аудитын дүнтэй биечлэн танилцеан байна.
Лиценз олгосон үйл явцын заримыг илүү нягталж шалгах үүднээс Ерөнхий аудитор цагдаагийн байгууллагад ханджээ. Тэрбээр аудитын дүнг баасан гаригт Ерөнхийлөгчид гардууллаа.
Лицензээр ашиг хонжоо олдог буруу гарын бизнес бий болжээ. Хаа хамаагүй олон лиценз гартаа атгасан хүмүүс өндэр үнээр дамлан худалдах хүртлээ ашигт малтмалын олборлолтод саад болж байна. Энэхүү буруу гарын бизнесийн хүрээг таслан зогеоох хэрэгтэй. Засгийн газрын төвшинд ашигт малтмалын асуудлыг удирдаж байсан эрх мэдэлтнүүд болон аймгийн удирдлагууд энэ авлигад автсан гэж Ерөнхийлөгч хэлэв.
Түүнчлэн шалгалтаар илэрсэн зөрчлийг арилгахын тулд цагдаа болон бусад байгууллагатай хамтран ажиллахыг Л.Жавзмаад зөвлөлөө.
УИХ-ын гишүүн Д.Бат-Эрдэнэ Монгол Улсын хууль тогтоомжийг 2008 он хүртэл боловеронгуй болгох үндсэн чиглэлд Ашигт малтмалын тухай хуульд нэмэлт, өөрчлөлт оруулах тухай хуулийн төслийг нэмж тусгах санал гаргасан билээ Тэрбээр ашигт малтмалын хайгуулын лицензийг олгохын өмнө тухайн орон нутгийн ИТХ-ын саналыг заавал авч байхыг санал болгож байгаа юм. Д.Бат-Эрдэнийн хэлснээр, одоо бол нэгэнт лицензээ авсны дараа орон нутгийн Засаг даргын Тамгын газраас зөвшөөрөл эрдэг журамтай аж.

(өнөөдөр 2005-04-18 091)