МОНГОЛ УЛСЫН ЕРӨНХИЙ САЙД Ц.ЭЛБЭГДОРЖ ТАНАА

Монгол Улсад нүүрлэсэн авилгалын хэрэг улам улаан цайм болж, ард түмний амьдрал өдрөөс өдөрт доройтсоор байна. Та Засгийн газар тэргүүлсээр авилгачдын талаар хоёр ч удаа ард түмэнд баярламаар үг хэлсэн боловч ажил хэрэг болгож өгөхгүй, иргэдийнхээ итгэлийг өдөр ирэх бур алдсаар байна. Таны тэргүүлсэн Засгийн газрын агентлагууд болох Цагдаагиин Ерөнхий газар түүнд багтдаг Замын цагдаагиин газар, Гаалийн Ерөнхий газар мөн Газрын албадтай холбоотой авилга албан тушаалын гэмт хэргүүд өдөр ирэх бүр гаарч ард түмнийг бухимдуулсаар тэвчээрийг нь барлаа. Иймд Цагдаагиин Ерөнхий газар, түүнд багтдаг Замын цагдаагиин газар, Гаалийн Ерөнхий газар, Нийслэл дүүргүүдийн газрын албаны одоогийн удирдлага энэ албан тушаал дээрээ байх ёс суртахууны болон хууль зүйн үндэслэл нэгэнт байхгүй нь батлагдлаа.
Олон улсын байгууллагын болон Төрийн бус байгууллагын ямар ч судалгаагаар эдгээр байгууллагууд улсын хэмжээний албан тушаал ашиглал авилгалын гэмт хэргийн 70 хувийг эзэлж байна.
Цагдаагиин Ерөнхий газрын дарга Д.Сандаг-Очир, Замын цагдаагиин дарга Ц.Амгаланбаяр болон хот, дүүргийн газрын албаны дарга нарын авилгачид болон авилгалын томоохон хэргүүдийг хаацайлан өнгөрүүлэгчдийг яаралтай төрийн албанаас зайлуулахыг Ерөнхий сайд танд мэдэгдэж байна. Хэрвээ бидний энэ шаардлагыг хүлээн авахаас татгалзвал бид цаашид авилгач дарга нарыг хаацайлдаггүй тэдэнтэй хуйвалддагүй засгийн газрыг шаардан байгуулах болно. Өнөөгийн цагдаагиин Ерөнхий газар бол иргэддээ үйлчлэх биш авилгач эрх баригч нарын гэмт хэргүүдийг дарагдуулан хаацайлсан улс төрийн харгис цагдаагиин газар болоод байна. Өнөөдөр цагдаагиин Ерөнхий газарт УИХ-ын гишүүн, сайд, дэд сайд, Монголбанк, цэргийн дээгүүр тушаалын офицерууд, гааль, татвар, замын цагдаагиин удирдлагатай холбоотой томоохон гэмт хэргүүдийг цагдаагиин дарга нар зориудаар дарагдуулан өнгөрүүлж байна. Авилгач дарга нараа өөгшүүлэлгүй бидний тавьсан шаардлагыг хэрхэн шийдвэрлэсэн тухайгаа дөрөвдүгээр сарын 30-ны дотор манайд хариу өгөхийг шаардаж байна. Ямар ч гэсэн ард түмний дунд авилгачаараа алдаршсан Цагдаагиин Ерөнхий газрын дарга Д.Сандаг-Очир, Замын цагдаагиин газрын дарга Ц.Амгаланбаяр, Гаалийн Ерөнхий газрын дарга Х.Баатар нарыг огцруулахыг хатуу шаардаж байна.

Эрүүл нийгэм-Иргэний хөдөлгөөн

/Olloo.mn/