Л.Гүндалайг эзгүй хойгуур Хууль зүй, дотоод хэргийн сайд Ц.Нямдоржийн түүний нэр дээр үүсгэсэн хэрэг сөхөгдөж шүүх хурал болсон гэх мэдээлэл зарим сонин хэвлэлд гарчээ. Энэ тухай болон улс төрийн амьдралын талаар Л.Гүндалай гишүүнээс зарим зүйлийг тодруулсан юм.
Та хаврын чуулганы нээлт дээр байсан бол үг хэлэх байсан уу? Юун тухай үг хэлэх байсан вэ?
-Сөрөг хүчний зүгээс үг хэлэх боломж байна уу, үг хэлэхийг хангаж өгнө үү гэж УИХ-ын даргад өмнө нь албан ёсоор тавьж горимын санал гаргах байсан. Хэлэх үгний тухайд миний хэлэх үгийг Монгол Улсын Ерөнхийлөгч Н.Багабанди бараг бүгдийг хэлсэн байна. эндээс хүмүүс таны хэлэх үгийг Ерөнхийлөгч бараг хэлчихлээ гэж байсан. Түүний улс орны нийгэм, улс төрийн амьдрал, төр , засгийн үйл ажиллагааны талаар бодитоор хөндөн дүгнэж, нэлээд өргөн хүрээнд, нийт ард түмэнд ойлгогдохоор хэлсэн үгний санаа, шүүмж миний бодож санаж явсан зүйлтэй тохирч байна. Биднийг гадаадад байх үед энэ талаар цуурайтаж гадныхан санал бодлоо бидэнд илэрхийлж байсан.
-Ерөнхийлөгчийн сөндсөн Ардчиллыг бэхжүүлэх, авилгаас ангижрах талаар таны бодлыг сонсьё.
-ардчиллыг хөгжүүлэх бэхжүүлэх тал дээр бид ухралт хийсэн. Хяналтгүй хариуцлагагүй, сөрөг хүчингүй төр, засаг бий болсон. Авилгын тухайд манайднийгэмд энэ нь цэцэглэн хөгжиж байна. Жирийн хүмүүс бизнесээ хийж эрхлэх нөхцөл байдал, боломжийг хааж, чөдөр тушаа саад тотгор болж байна. Авилга эдийн засэагт маш хортой.
-Тантай холбоотой хэргийн шүүх хурал болсон сурагтай байна. энэ талаар тодруулна уу?
-Энэ талаар надад мэдэх юм алга. Мөн надад мэдэгдээгүй нь гайхалтай байна.. Гэтэл Зууны мэдээ сонин дээр шүүх хурал болсон талаар мэдээлсэн байх юм. Уг нь Ц.Нямдорж намайг гүтгэлээ, ингэснээр нэр хүнд нь уналаа гэж жил гаруйн өмнө Сүхбаатар дүүргийн цагдаад өргөдөл гаргаж өгсөн юм билээ. Ингээд Ц.Нямдорж өөрийнхөө цагдаагаар намайг шалгуулж буруутан болгох гэж нэлээд оролдсон нь үнэн. Уг нь түүнд унаад байхаар ямар нэр хүнд байх вэ дээ. Тэгээд жил хагасын өмнө надад эрүүгийн хэрэг үүсгэсэн юм билээ. МАХН-ын удирдлагууд тэр үеийн дангаараа ноёлсон эрх мэдэлдээ дулдуйдлан дандаа тийм байх юм шиг аашилж байсан. Гэвч сонгуулийн дүн өөрөөр гарч тэдний энэ дур зорго зогссон байх. Юу гэвэл сонгуулиас өмнө намайг цагдаа, прокуророос долоо хоногт нэг удаа дууддаг, тагнаж чагнадаг байсан. Гэтэл сонгуулийн дараа таг чиг болсон. Тэр нь одоо сэргэж сөхөгдөж байгаа юм байлгүй дээ гэж би бодож байна.
-Шүүх хурал болж таны гишүүний эрхийг түдгэлзүүлж бүр ял төлөвлөсөн тухай мэдээлэл гаргасан байна. Энэ талаар танд мэдэгдсэн үү?
-Сонгуулийн дараа бараг жил шахмын хугацаанд таг чиг байсан энэ хэрэг гурван долоо хоногийн өмнө сэдэрч гарч ирж байх шиг. Прокуророос шүүхэд шилжиж байна гэсэн сураг дуулдсан.
Гэхдээ надад энэ талаар хэн ч хаанаас ч албан ёсоор болон амаар мэдэгдээгүй. Тэгсэн мөртлөө сонин дээр гараад ирсэнд гайхаад сууж байна. Тэр сонины мэдээллээр бол миний УиХ-ын эрхийг түдгэлзүүлж бүр зургаан сар хорих хүртэл ял төлөвлөчихөөд байгаа бололтой. Гэхдээ МАХН-ынхан энэ хэрэг болон хүслээ Ерөнхийлөгчийн сонгуулиас өмнө биелүүлэхгүй байх гэж би бодож байна. Хэрвээ Н.Энхбаяр Ерөнхийлөгч болчихвол улам эрчимтэй тавина гэж тооцоолж байх шиг байна.

Б.Билгүүн

2005.04.16, Өдрийн сонин