байгаль орчинд үзүүлэх сөрөг нөлөөллийг багасгах, тээврийн хэрэгсэл эзэмшигчийн сахилга, хариуцлагыг өндөржүүлэх, улс, хот хоорондын тээвэрлэлтийг зохицуулах зорилгоор аймаг, нийслэлийн Засаг дарга нарт хандаж Ерөнхий сайд Ц.Элбэгдорж албан даалгавар гаргасан байна.
Тээврийн хэрэгслийн тооллого, техникийн хяналт, оношлогоог Нийслэл хотод 4 дүгээр сарын 11-ний өдрөөс, аймгуудад 4 дүгээр сарын 18-наас эхлэн тусгай зөвшөөрөл авсан эрх бүхий байгууллагууд жилийн туршид зохион байгуулан явуулж байгаа юм.
Тээврийн хэрэгслийн тооллого, техникийн хяналт, оношлогоонд аймаг, нийслэл, сум, дүүргийн автотээврийн болон замын цагдаагийн ажилтнуудыг оролцуулж, тодорхой төлөвлөгөөтэйгээр шуурхай зохион байгуулах арга хэмжээ авах,
Сум, хороодод байгаа автомашин, ялангуяа чиргүүл, трактор, өөрөө явагч хэрэгсэл, мотоциклын урьдчилсан бүртгэлийг явуулж бэлтгэлийг хангуулах үзлэгт бүрэн хамруулах үүрэг бүхий ажлын хэсгийг сум, хороодын Засаг дарга нараар ахлуулан ажиллуулах,
Автотээврийн хэрэгслийн техникийн хяналт, оношлогоонд хамруулах хугацаа, оношлогооны төлбөрийг Авто тээврийн хэрэгслийн оношлогоо, төлбөрийн жишгийн тухай Засгийн газрын 2004 оны 55 дугаар тогтоолын дагуу мөрдөж ажиллах,
Техникийн хяналт, оношлогооны газар ирэх боломжгүй, аймгийн төв, нийслэлээс алслагдсан сум, дүүрэг, багийн тээврийн хэрэгслийн техникийн хяналтын үзлэг, оношлогоог оношлогчийн ур чадварт тулгуурлан нүдээр үзэж дүгнэлт гаргасан тохиолдолд үйлчилгээний төлбөрийг жишиг төлбөрийн 50 хүртэл хувиар тооцож авах
Техникийн хяналт, оношлогооны хуваарь, бэлтгэл ажлын талаар тээврийн хэрэгсэл бүхий аж ахуйн нэгж, байгуулллга, иргэдэд урьдчилан мэдээлэл өгч сурталчлан бүрэн хамруулах ажил зохион байгуулах,
Тээврийн хэрэгсэл бүрийг тооллого, техникийн хяналт, оношлогоонд бүрэн хамруулж Автотээврийн тухай хуулийн 17.1-д заасны дагуу хөдөлгөөнд оролцох зөвшөөрлийн гэрчилгээ олгож, техникийн байдлын болон экологийн шаардлага хангаагүй, төхникийн хяналт, оношлогоонд хамрагдаагүй тээврийн хэрэгслийг замын хөдөлгөөнд оролцохыг хориглохын хамт техникийн хяналт, оношлогоог саатуулсан буюу зайлсхийсэн албан тушаалтан, иргэдэд зохих
хууль тогтоомжийн дагуу хариуцлага ногдуулах,
Аймаг, нийслэл, дүүргийн тээврийн хэрэгслийн тооллого, техникийн хяналт, оношлогооны явцад байнгын хяналт тавъж ажиллах,
Зам, тээвэр, аялал жуулчлалын сайдын эрхлэх асуудлын хүрээнд байгуулагдсан Тээврийн үйлчилгээний төвийн аймгууд дахь салбар нъ улс, хот хоорондын тээвэрлэлтийг зохицуулах, тээврийн хэрэгсэлд техникийн хяналт, оношлогоо хийх ажлыг эрхлэх тул түүний үйл ажиллагааг дэмжин хамтарч ажиллах,
Зам, тээвэр, аялал жуулчлалын яамны бодлого зохицуулалтын хүрээнд аймаг, орон нутагт хийгдэж байгаа аливаа ажкл, үйлчилгээний явц, байдал болон энэхүү албан даалгаврын хэрэгжилтэд хяналт тавьж, тээврийн хэрэгслийн техникийн хяналт, оношлогооны мэдээг Зам, тээвэр, аялал жуулчлалын яаманд улирал бүр ирүүлж байх үүргийг албан даалгаварт тус тус дурдсан байна.

Засгийн газрын Хэвлэл мэдээллийн албанаас манайд мэдээллээ