Уг албан бичигт
Завхан аймагт өвөлжилт хүндхэн болж өнгөрсний дээр хаваржилт хатуурхаж, иргэд хөдөлмөрчид амьдрал ахуй, санаа сэтгэлийн дарамт зовлонтой, хүндрэлтэй асуудал олонтой төр, засгийн анхаарал, халамж дэмжлэг үгүйлэгдэж байгаа талаар удаа дараа хүсэлт, мэдээлэл ирүүлж байна.
Аймгийн эрчим хүчний хангамж доголдож, албан байгууллага, аж ахуйн нэгж үйл ажиллагаагаа хэвийн явуулах, үйлдвэрлэл, үйлчилгээ эрхлэх боломжгүй болж, Улиастай хотын иргэд туйлын тав тухгүй нөхцөлд хаврын хавсрагатай өдрүүдийг өнгөрүүлж байна.
Монгол Улсын Ерөнхий сайд Таныг тус аймагт ажиллах үеэр тавьсан хүсэлт, ялангуяа эрчим хүчний алдагдлыг нөхөх, тасралтгүй ажиллагааг хангах, үлдэгдэл өрийг барагдуулж өгөх, өвс тэжээлтэй холбоотой асуудлыг тэргүүн ээлжинд шийдвэрлэж өгөхийг аймгийн удирдлага, иргэд хөдөлмөрчдөөс хүсэлт болгож байна. Завхан аймагт тулгамдаад байгаа хүндрэлтэй асуудлыг ойрын хугацаанд Засгийн газрын түвшинд хэлэлцэн шийдвэрлэхийг хүсье гэжээ.

Ерөнхийлөгчийн хэвлэл мэдээллийн албанаас манайд мэдээллээ.

/Olloo.mn/