Монгол эх орноо гадаадад таниулах сурталчлах зорилго өвөрлөсөн Бадарчин-93 аяллынхан Чингисийн баатруудын довтолгосон 9950 км замыг явганаар нэг жил дөрвөн сарын хугацаанд туулж амжжээ. Тэд Сүхбаатарын талбайгаас гараагаа эхэлж Дорнодын тал, Сибирь, Аляск, Канад, Мексикээр дамжин зорьсон газраа буюу АНУ-д төлөвлөснөөсөө бүтэн хоёр сарын өмнө хурсэн түүхтэй. Мөн зодооны урлагийн мастер, алдарт Брюс Лигийн ах дүү нартай уулзах зорилготой явсан тус аяллынхан цэвэр Монгол үүлдрийн дөрвөн нүдэт банхараар хань хийсэн гэдэг. Бадарчин-93 наадмыг санаачлан зохион байгуулагчдын нэг П.Батзориг эдүгээ АНУ-д амьдарч байгаа бөгөөд багийн гишүүн Л.Нацагням монголдоо ажиллаж амьдарч байна. Тус аяллын 12 жилийн ой энэ сарын 15-нд тохиосон бөгөөд энэ үеэр Монголчууд төдийгүй дэлхийн олон хүн Бадарчин-93 аяллыг дурсан санаж, ном зохиол, баримтат кино бүтээж түүхэнд улдээгээсэй хэмээн аяллыг зохион байгуулагчдад чин сэтгэлээсээ хүсч байгаа гэнэ.

Д.ЦОГЗОЛ
(өдрийн сонин 2005-04-19 095)