-Чоно хамтлагийн уран бүтээлийн сүүлийн үеийн сониноос манай уншигчдад сонихуулахгүй юу?
-Дөнгөж саяхан Хайлж урсаж байна дуундаа клип хийлгэсэн. Мөн Дэрмээ Жаргалын ганц алим нэртэй цомгоо гаргасан.
-Жаргалын ганц алим цомогт хичнээн дуу орсон, хаана хэвлэгдсэн болон хэзээ феннүүдийнхээ гар дээр очих вэ?
-Тус цомог дан уянгын 13 дуунаас бүрдсэнээрээ онцлог болсон гэж бодож байгаа. Жаргалын ганц алим цомгоо бид шанхайд хэвлүүлсэн. Энэ сарын 19-нөөс худалдаанд гарна. Та бүхэн заавал сонсоорой.
-Яг одоо юу хийж байна?
-Одоо Сархад хэмээх дуундаа клип хийлгэж байна.
-Удахгүй хийх тоглолтынхоо талаар ярихгүй юу?
-Энэ сарын 29-нд Монгол бөхийн өргөөнд Чоно хамтлаг бие даасан Хайлж урсаж байна тоглолтоо хийнэ. Мөн маргааш нь буюу 30-ны өдөр New Rock Alternatiүe Burst нэртэй бүх алтернатив хамтлагууд оролцсон тоглолт хийнэ. Тус тоглолтонд 9 алтернатив чиглэлээр тоглодог хамтлаг нэг тайзан дээр цугларна.
– New Rock Alternatiүe Burst тоглолтонд ямар ямар хамтлагууд оролцож, мөн хичнээн дуу дуулагдах бол?
-Тоглолтонд Чоно хамтлагаас гадна Нисванис, Шөнийн галт тэрэг, FIRE, X-ҮIT, BUL SARAI, MADNESS, HOT WHISKI, 1060 зэрэг хамтлагууд оролцож ая дуугаа өргөнө. Нэг хамтлаг гэхэд 3-4 дуу дуулна. Тийм болохоор тоглолт маань бараг 3 цаг үргэлжилэх байх. Энэ дашрамд хэлэхэд манай тоглолтыг үзсэн хэн ч байлаа гэсэн харамсахгүй шүү. Мэдээж сюрприз байгаа. Гэхдээ нууц.
-Билетийн үнэ хэд орчим байх бол?
-Тус тусдаа 5000 төгрөг байна.
-Та бүхэнд амжилт хүсье.

Болод.М /olloo.mn/