Амьд мөртлөө үхсэн хүн шиг нэгэн байхад мөнх бусыг узүүлсэн хэрнээ амьд мэт хүн байх. С.Зориг хэдийгээр балмад алуурчдын гарт үрэгдсэн ч гэлээ монголчууд бидний сэтгэл зүрхэнд амьд мэт яваа нэгэн билээ. Ардчилал, шударга ёсны төлөөх тэмцлийн бамбарыг асаалцаж түүниихээ үр шимийг ард олонд хүртээх гэж явсан С.Зориг агсны дүр төрхийг өнөө хэр хэн ч мартаагүй. Мартах ч үгүй нь лавтай. Учир нь түуний бодож санаж явсан бүхнийг журмын нөхөд нь, дүү С.Оюун нь үргэлжлүүлж 1998 оны аравдугаар сарын 2-ны тэр аймшигт, хүйт даасан өдөр юу болсон бэ гэдгийг энд дахин дурдах нь илүүц. Харин цээрх аймшигт хэргийг илрүүлэх ажил хэрхэн өрнөж байгааг анхаарууштай. Энэ хугацаанд С.Зоригийн амь насыг егүүтгэсэн хэргийг шалгаж буй ажлын хэсэг хэдэнтээ өөрчлөгдлөө. Засгийн газар солигдох бүрт мөрдөн шалгагчид солигдож байсан гэсэн үг. Төрийн эрхэнд гарсан хэн боловч, улс төрийн нам хүчин аль нь ч энэ хэргийг илруүлнэ, анхаарлаасаа гаргахгүй хэмээн ёс юм шиг амладаг болсоон. Бид л УИХ-д сонгогдохгүй бол, би л төрийн түшээ болохгүй бол энэ хэрэг илрэхгүй.

Тиймээс биднийг, намайг сонго гэж ярьж байгаад төрийн эрх барьсан нам, төрийн түшээ болсон эрхэм ч бий. Ийм хүмүүс гарч ирээд юу хийв, хэргийн мөрдөн шалгалтад ямар өөрчлөлт орсон бэ гэдгийг хүмүүс нэхэж буй нь лавтай. Шинэ засаг төр эмхлэгдсэнээс хойш нэг жил шахам боллоо. С.Зоригийн амь насыг хөнөөсөн хэргийг шалгаж буй цагдаа, тагнуулын байгууллагын удирдлагуудыг Ерөнхий сайд хүлээн авч уулзан юу хэрэгтэй байгааг нь асуусан гэнэ лээ.
ТЕГ-ын дарга Б.Билэгт ерөнхий сайддаа юу ч тайлбарлаагүй гэдгээ өөрөө мэдэгдсэн. Ажлын хэсгийг ТЕГ-ын тэргүүн дэд дарга ахалдаг. Энэ хүн мөрдөн шэлгалтын явцыг даргадаа танилцуулаагүй юм байх. Чухам ямар шалтгаан байсныг хэн мэдэх вэ. Цагтаа алуурчдыг олны өмнө нэрлэж байсан даргаасаа болгоомжилсон юм болов уу. Олон улсын парламентын холбооноос дээрх хэрэгт гадаадын шинжээч, мэргэжилтнүудийг авч ажиллуулахыг зөвлөсөн гэдэг яриа гараад хэдэн ч жилийн нүүр үзэв дээ. Бид өөрсдөө чаддаггүй юм бол ичиж зоволгүйгээр мэргэжилтэн урья л даа. Гадаадын мэргэжилтнүүдээс яагаад цэрвээд байна вэ. Тийм хүмүүс ирвэл хэний ч нелөөнд үл автах бус уу. Хэн гээч албан тушаалтан, ямар нам хучин үүнээс цэрвээд байгаа хэрэг вэ. Хэрэв тиим тушаалтан, нам хүчин байгаа бол тэднээс эхэлж утасны үзүүрээ хаймаар санагдах юм. Цагдаагийнхан ойрмогхон ажлын хэсэгт ажиллаж байсан зарим мөрдөгчдөө татан авч, үндсэн ажилд нь шилжүүллээ гэж дуулдсан. Хэрэг илруулэх ажиллагаа бүрхэг болоод тиим өөрчлөлт оруулсан байхыг үгүйсгэхгүй. Өөр шалтгаан ч байсан л биз. Тагнуулынхан дээрх хэргийг Улс төрийн шалтгаантай гэдгийг өнгөрсөн онд мэдэгдэж байсан. Энэ үнэн байх. Ямар ч нууц, далд үйлдсэн хэргийг илрүүлчихдэг манай шилдэг мөрдөгчид эл хэргийг бараагүй. МАХН-ын ТХ-ны нарийн бичгийн дарга асан С.Төмөр-Очирыг егүүтгэсэн хэргийг өнөө болтол илрүүлээгүй байгаа. С.Зоригийн амь насыг хөнөөсөн асуудал ч үүнтэй агаар нэгэн хэмээн мөрийцөхөд ч бэлэн байна би.

Д.ЗАЯАБАТ
(өнөөдөр 2005-04-20 089)