хувь хүмүүс, байгууллагуудыг бүтээн байгуулалт, тохижилт, үйлчилгээ, байгаль орчныг хамгаалах ажилд оролцохыг уриалан дууддаг юм.
Дэлхийн залуусын сайн үйлсийн өдрийг жил бүр амралтын өдрүүдэд буюу бямба, ням гарагт дэлхий нийтээр тэмдэглэн өнгөрүүлдэг байна.
Энэ өдөр залуус бүтэн жилийн турш нийгмээ, дэлхий ертөнцөө сайн дурын үйл ажиллагааны ачаар хэрхэн өөрчилсөн болон хүмүүнлэгийн төлөө хийсэн үйлсээ үнэлүүлж, дүгнүүлж, тэмдэглэдэг байна.
Энэ өдөр нийгмийнхээ хөгжил, ард иргэдийн сайн сайхны төлөө залуус юу хийж чадах, ямар санаа дэвшүүлж байгаад дэлхий нийтээрээ анхаарлаа хандуулдаг.
Дэлхийн залуусын сайн үйлсийн өдрийг тэмдэглэн өнгөрүүлэх үндэсний агентлагаар Энхийн Төлөө Үйлчлэхүй төрийн бус байгууллага сонгогдсон бөгөөд энэ жилийн Дэлхийн Залуусын Сайн Үйлсийн Өдрүүд-ээр Сайхан хот нэртэй цэвэрлэгээний ажлыг Сүхбаатар, Чингэлтэй дүүргийн ЗДТГ-тай хамтран 2005 оны 4-р сарын 15-17-ны хооронд зохион байгуулж байгуулсан байна.
Энэхүү үйл ажиллагаанд залуучуудын сайн дурын байгууллагууд, Монголын Хүүхдийн ордон, Мон-Энерги Туркийн Элчин Сайдын газар, Залгамжлагч холбоо сурагчдын байгууллага, САRP оюутны байгууллага, Олон улсын боловсролын сангийн дэргэдэх оюутан клуб, Дэлхийн Энхтайвны Залуучуудын Холбооны залуус, мөн арван жилийн 57, 32, сургуулиуд идэвхитэй оролцсон байна.

Ж.Алтантуяа

/Olloo.mn/