Бурхан багшийн сургаалд үндсэн зургаан барамидаас хамгийн сүүлийнх нь болох оюун сэтгэхүйг дээд зэргээр хөгжүүлэн боловсронгуй болгогч билиг барамидыг гүн ухаантнууд эрхэм чухал гэж үзэж тусгай онол боловсруулсан ажээ. Билиг барамид бол билгийн чанад хязгаарт хүргэсний утгыг тайлах арга (бодь мөрт хүрэх), билиг (хоосон чанарын утгыг олохуй) хоёрыг хослон барихын тухай сургаал юм. Буддын гүн ухаантнууд, хүний танин мэдэхүй нарийн тогтолцоотой бөгөөд хамаг амьтны зовлонгийн шалтгааныг танин барьж, ангижрах арга замыг эзэмших, хүнд туслах, үлэмжийн их нигүүлсэхүй сэтгэл үүсгэх чадварыг билгийн чанад буюу хязгаарын чанадад хүрэх билиг-ийн суурь хэмээн ухаарч байжээ. Ийнхүү Билиг барамид гэдэг нь хүний танин мэдэхүйн дээд шат буюу хязгаарлагдмал оюуныг давж чанад билгийн ухаанд хүрэх арга, билиг буюу билгийн чанад хүргэсэн ёсон болно.

Бурхан шашины Номын хүрдэн клубтэй хамтран бэлдэв

/Olloo.mn/

Ж.Алт