Энэ үсэр гурван төрлөөр хэвлэгдсэн нууц товчооны сонгомол эхийг дуудлага худалдаанд оруулж үнэ хаялцууллаа.
Хатуу ширэн хавтастай, оюу шигтгээ, мөнгөн чимэглэлтэй, тансаг үнэртэй цааснаа хэвлэсэн, хаш чулуун чимэгтэй хуш хайрцагтай 749900 төгрөгийн үнэ бүхий номыг Акума төвийн захирал Ж.Баттулга анхных нь үнээр худалдаж авсан. Хоёр дахь ном буюу хатуу ширэн хавтастай, оюу шигтгээ, мөнгөн гэрэгэтэй, мөнгөн тоног, ширэн хайрцагтай номыг 349900 төгрөгөөр үнэлснийг нь Боролдой студийн захирал С.Мягмар 400 мянган төгрөгөөр худалдаж авлаа. Тэрбээр Би Монголын нууцтовчоо-ноос сэдэвлэн олон бүтээл хийсэн. Эхний хэсгийг нь цээжээр мэднэ. Энэ сайхан бүтээл айл бүрийн хойморт залрах болтугай гэсэн юм.
209900 төгрөгөөр үнэлсэн ширэн хайрцагтай, оюу шигтгээ, мөнгөн чимэгтэй гурав дахь номын эзэн өчигдөр хараахан тодорсонгүй. Үзэсгэлэнгийн үсэр Монголын нууц товчоо судлалын төвийн захирал, академич Д.Цэрэнсодном сонгомол эх гэж юуг хэлээд байгаа талаар дараах хариултыг өгсөн юм.
Тэрбээр Монголын нууц товчоо монгол бичгээр уламжлагдаж ирсэнгүй. Харин хятад ханз, модоор урласан хятад галигаар бичигдсэн дөрвөөс таван янзын эх бий. Үунийг олон эрдэмтэн монгол хэлнээ янз бүрээр буулгасан. Тэднээс хамгийн алдаа мадаг, зөрөө зөрчилгүйг нь сонгож нэг мөр болгон бэлтгэсэн. Үүнийг л сонгомол эх гээд байгаа юм. Одоогоор энэ эхийг гурван төрлийн бичгээр хэвлэсэн байгаа Үүний нэгийг нь сонгодог бичгийн өмнөх үеийн эртний монгол бичгээр буулгаж Ерөнхийлөгчид өргөн барьсан. Харин олон түмэнд залах эхийг нь уйгаржин монгол бичиг, кирил үсгээр бичиж хэвлэсэн юм гэлээ.

Р.БАТЧИМЭГ
(өнөөдөр 2005-04-22 095)