Өнөөдөр өдөр ирэх бүр интернэтийн орон зай хүрээгээ тэлж, интернэт хэрэглэгчдийн тоо улам бүр өсөж байгаа энэ үед ушигчид та бүхэнд интернэтийн бас нэг таатай боломжийг санал болгож байна.

Бид вэб дээрээ Сургууль гэсэн хуудас шинээр нээж байгаа.
Энэ нь боловсролын бүхий л салбарыг хамарсан мэдээлэл өгөх зорилготой хуудас юм. Хүмүүс тэр болгон их дээд сургууль, мэргэжлийн, хэлний гэх мэт сургалтын төвүүдийн вэб хуудас, интернэт хаягуудыг мэддэггүй бөгөөд ихэнх сургуулиуд тэр дундаа ерөнхий боловсролын сургуулиуд өөрийн вэб хуудастай байдаггүй нь нууц биш. Оллоо сайтын сургууль хуудаснаас бүх их дээд болон ЕБ-ийн сургуулиуд, сургалт мэргэжлийн төвүүд, боловсролын байгууллагуудын тухай цэгцтэй мэдээллийг нэг дороос авч болно. Тухайн сургуулийн танилцуулга, сургалтын явц, элсэлтийн журам, хаяг байршил гээд хэрэгтэй бүх л мэдээллийг багтаасан.

Мөн ТӨГСӨГЧ буланг санал болгож байна
Энэ булан сурагч, оюутан залуусын анхаарлыг маш ихээр татаж байгаа. Хүний амьдралын мардагдашгүй алтан үеүдийн нэг нь яах аргагүй сурагч оюутан ахуй цаг нь байдаг. Тэр алтан үеэ бид зураг монтаж төдийхнөөр дурсаж явдаг шүү дээ. Тэр хэдэн зураг, төгсөлтийн монтаж маань зургийн цомогтоо л хэвтэж байсаар нэг мэдэхэд хаана ч байгаа нь мэдэгдэхгүй сураг тасардагтай адил зовлон жаргалаа хуваалцаж хамт баярлаж хамт гуньж явсан ангийнхаа нөхдөөс өдөр өдрөөр холдсоор л байдаг. Тэднийгээ чухам хаана юу хийж ямаршуухан явж байгааг тэр болгон мэдэж чаддаггүй. Харин манай Төгсөгч буланд хандсанаар бид зөвхөн тухайн анги хамт олонд зориулсан вэб хуудсыг хийж өгөх бөгөөд тэд насан туршдаа ангийнхантай хамт байх боломжтой. Өөрөөр хэлбэл нэг ангийнхан интернэтийн зах хязгааргүй кибер орон зайд өөрийн ангитай болсон гэсэн үг юм.

Вэб монтаж нь бидний хийлгэж заншсан цаасан монтажнаас юугаараа ялгаатай, ямар ямар давуу талуудтай вэ?
Мэдээж олон давуу талтай. Дижитал хэлбэрээр хийгдэх учир элэгдэл гэж хэзээ ч гарахгүй. Хаяж үрэгдүүлнэ, алга болно гэсэн ойлголт байхгүй. Интернэт дээр байрлах учир цаг хугацаа орон зайнаас үл хамааран хүссэн цагтаа үзэж болно. Дурсамж сэтгэгдэл гэсэн буланд сурагч, оюутан ахуй цагийн мартагдашгүй гэгээн сайхан дурсамжуудаа бичиж үлдээснээр энэ сайхан үеэ байнга дурсаж, сургуулиа төгсөөд салан одох тэр л мөчид нулимс унаган хоолойгоо зангируулан байж бичсэн тэр л мөрүүдийг уншин гэгээн ариухан үеэ сэтгэлдээ тээж явах болно. Манай ангийхан буланд ангийнхаа андуудыг хаана ямар ажил хийж, ямар амьдрал зохиож яваа тухай мэдээллүүдийг нэмж оруулж өгдөг бөгөөд хэн нь сайн сайхан явж байна, магадгүй хэн жаахан гундуухан яваа тухай мэдэж болно. Зовох цагт нөхрийн чанар танигдана гэж манайхан ярьдаг биз дээ. Энэ бол ангийн нөхдүүдийг насан туршид нь холбох гүүр болж өгнө. Өөрөөр хэлбэл Төгсөгч хуудасны Чамайг хайж байна буланд ангийнхаа хэн нэгний тухай мэдээллийг, холбоо барих хаягтайгаа оруулснаар хайж байгаа хүн өөрөө биш юмаа гэхэд ангийханаараа дамжуулж нэгэнээ олох боломжтой.

Энэ төгсөгчдийн хуудас интернэт дээр ямар хугацаатай байрлах вэ?
Төгсөгчдийн вэб хуудас нь Манай ангийнхан, Дурсамж сэтгэгдэл, Чамайг хайж байна, Зургийн цомог, Монтаж гэсэн үндсэн бүлгүүдтэй хийгдэх бөгөөд байрлах хугацааны хувьд хязгааргүй гэж ойлгож болно. Өөрөөр хэлбэл нэг удаа хийлгэсэн л бол дахиад мөнгө төлөх шаардлага байхгүй.

Ямар үнэтэй байх вэ гэж үү?
Үнийн хувьд ч харьцангуй хямд. Фото монтаж ямар үнэтэйг та сайн мэдэж байгаа байх. Нэг монтаж 6000 – 15000 төгрөг дотор хэлбэлздэг шүү дээ. Тэгээд ч ийм төрлийн монтаж мэдээлэл хязгаарлагдмал, элэгдэх, алга болох, чанар нь муудах гээд олон эрсдэлтэй байдаг. Тэгвэл бидний хийж байгаа зүйлд эдгээрийн эрсдэлийн аль нь ч нүүрлэхгүйн дээр үнэ нь нэг хүнээс ердөө 1000-хан төгрөг.

Бид зөвхөн шинээр төгсөж байгаа ангийнханы вэбийг хийх үү?
Ер нь хэзээ ч төгссөн байсан хамаагүй ээ бидэнд хандаж болно. Олон жилийн өмнө төгссөн ангийнханыгаа гэнэт ОЛЛОО.МН дээр өөрсийн вэбтэй болчихсон, зовлон жаргалаа хуваалцаж явсан найз нөхөд тань таныг хайж байна шүү гээд гарчихсан байвал таньд хэчнээн сайхан гэнэтийн бэлэг болохыг та төсөөлж байгаа байлгүй дээ.

Манайд яаж хандах вэ?
Та бүхэн манайд анги, сургуулийнхаа танилцуулга, сурагч болон оюутан үеийн дурсгалт зургууд, ангийн хүүхэд бүрийн танилцуулга зэргийг авч ирэх хэрэгтэй.

Манай хаяг; Соёлын төв өргөөний 11 давхар 1105 тоот
Утас 312230, 99110137, 99779229

Та бүхэн манай сайт дээр нэгэн насны нандин дурсамжаа мөнхөлж, нэгэн цагт тохой нийлүүлэн явсан ангийн олон андуудтайгаа насан туршийн амьд халуун харилцаа холбоотой байя гэвэл манайд хандаарай.

/Olloo.mn/

Ж.Алт