Чанар, сонголт арвинтай хүнс өрсөн, цэвэр цэмцгэр орчинтой супермаркетууд, дэлхийн нэртэй фирмүүдийн загвар, чанар сайтай хувцас, эдлэлийг чухалчилсан брэнд дэлгүүрийн эрин эхэллээ.
Өөрөөр хэлбэл шинэ цагийн үйлчилгээний соёл, хэрэглэгчдийн таалалд дэлгүүрийн бизнесийн дээрх хоёр чиглэлийн үйл ажиллагаа нийцэх боллоо гэсэн үг. Тиймээс худалдаа, үйлчилгээний салбарынхан бизнесийн хэтийн төлөвлөгөөгөө энэ чиглэлд боловсруулж, төвлөрүүлж байна гэлтэй. Манай супермаркет хөгжлийн арав хүрэхгүй жилийн түүхтэй.
Олон хүн урд, хойд хөршөөс бараа таваар зөөснөөр ерээд оны дундуур бий болсон хулганы нүх шиг олон хүнсний дэлгүүр дөрөв, таван жилийн өмнөөс хумигдаж эхэлсэн. Супермаркет гэдэг шинэ нэр томъёо худалдааны салбарт нэвтэрч эхэлсэн учраас тэр. Их хотын иргэн бид саяхан болтол супермаркет ямар байх ёстойг тэр бүр мэдэхгүй бараг шинээр байгуулагдсан дэлгүүр болгоныг супермаркет хэмээж байв.
Супермаркет сонголт, бараа ихтэй байх ёстой гэдэг утгаараа дэлгүүрийн бизнесмэнүүд ч хүнс, хувцас, бичиг хэрэгсэл, гэр ахуйн бараа зэргийг нэг дор эмх замбараа муутайхан эгнүүлдэг байлаа. Тэд хүнсийг сүлжээгээр борлуулж дэлхийн хөгжилд дөхүүлэх нь илүү ирээдүйтэй хэмээн үзэж Миний дэлгүүр, БОСА, Номин супермаркет, Сити шоп зэрэг нь хот, хөдөөд байгуулах, салбарын тоогоороо нэг хэсэг өрсөлдөөд амжсан. Ингэхдээ хүнсний дэлгүүрүүдийн үйлчилгээг соёлжуулж, худалдааг хэрэглэгчдэд ойртуулахыг эрхэм зорилгоо болгон уралдсан гэж хэлж болно.
Супермаркет олширч, худалдааны салбар өөдөлж байгаа болохоор хэрэглэгчид өнөөдөр аль супермаркетын үйлчлгээ сайн байгаа, шинээр хаана, ямар дэлгүүр ашиглалтад оров гэдгийг андахгүй болсон учраас дэлгүүрийн бизнесмэнүүдийн үүрэг хариуцлага ч өндөрсөж байгаа хэрэг.
Нийслэлчүүдээс хамгийн сайн үйлчилгээтэй, танд таалагддаг супермаркетыг нэрлэнэ үү гэж сонирхвол үйлчлүулэгчдиин олонх нь Номин хэмээн хариулж тэргүүн байрт жагсаах бололтой. Баталгаатай, шинэ, сонголт арвинтай хүнсээр түргэн шуурхай үилчилдэг гэдэг үзүүлэлтээр Номин супермаркет бусдаасаа хол тасархай түрүүлэх нь.
Түүнчлэн Улаанбаатарын Номин хайпермаркет, Дархан-Уул, Орхон аймагт буй Номин супермаркетын бараа ижилхэн өргөн сонголт, өндэр чанартай байдаг хэмээн олон хэрэглэгч олзуурхах юм билээ. Харин хоёр, гурван жилийн өмнө сүлжээ дэлгүүрийн тоогоороо бусдыгаа хошуучилж явсан Миний дэлгүүр-ийг бараа, үйлчилгээ нь нэг л биш хэмээх хэрэглэгч ч олон. Тус дэлгүүр бараа ихтэй ч чанар, үйлчилгээний соёл муутай гэсэн дүгнэлтийг хэрэглэгчид хэдийнэ хийжээ.
Өөрөөр хэлбэл, Миний дэлгүүр-ийн бараа нь хямд үнэтэй ч чанартай биш гэдэгтээ олон хүний санал нийлэх бололтой.
Мөн БОСА-г сүлжээ дэлгүүр, супермаркетын төлөөлөгч гэхээсээ илүү бөөний худалдааны төвүүдийн анхдагч гэж болно. Эднийх өрсөлдөөний талбарт хөгжилтэй орны хүнсийг харьцангуй хямд борлуулдгаараа бусдаас онцлог бас олзуурхууштай.
Тус компанийн захирлууд энэ өдрүүдэд Малайзад болж буй олон улсын үзэегэлэн худалдаанаас хүнсний бараа сонгохоор явжээ.
Түүнчлэн хэрэглэгчдэд өдөр тутмын өргөн хэрэглээний хүнсээр үйлчлэх зорилгоор байгуулсан Сити шоп дэлгүүрүүдийн олонх нь өнөө ажиллахаа больж.
Ер нь жаахан талбай олдвол лангуу байрлуулж, бяцхан зайд нүд эрээлжлэм олон бараа өрдөг цаг нэгэнт өнгөрч буй болохоор хүнсний супермаркет ч, барааны дэлгүүр ч аль болох цэлийсэн том талбайд эмх цэгцтэй, төрөлжсөн, соёлтой хөнгөн үйлчилгээг хэрэглэгчдэд ойртуулахыг зорьж эхлэв. Тэгээд ч улс орон маань хөгжиж, хоол хүнс, бараа бүтээгдэхүүний сонголт арвинтай дэлгүүр олширсон эдүгээ цагт нүх болгоноор хэсч нүд, хөлөө чилээж явахыг хэн хүсэх билээ. Амралтын өдрөөр дэлгүүр хэсэх бол хүссэн хүсээгүй Сарны титэм, Марс, III, IҮ дүгээр хорооллын олон жижиг дэлгүүрээр тэнэж толгойгоо өвтгөхөөргүй боллоо. Сүүлийн үед Ази, Европын дэлхийд нэртэй фирмүүдийн хувцас борлуулдаг брэнд дэлгүүр хотын төвеөр олшров. Дөрөв, таван жилийн өмнө фирмийн хувцас, барууны дэлгүүрийн үйлчилгээг ТБД андууд зэрэг ганц хоёрхон дэлгүүрээс хардаг байсан бол өдгөө үнэтэй, чанартай бараатай аль ч дэлгүүрт орсон цэвэр, цэлийсэн орчин, соёлтой үйлчилгээ угтах вий. Тухайлбал Эрх чөлөөний талбайн өмнө ашиглалтанд орсон Бишрэлт худалдааны төвөөс хүнсний супермаркет хоёр дахь шатандаа хөл тавьж, брэнд дэлгүүрийн эрин эхэлснийг харж болно.
Тус дэлгүүрийн нэгдүгээр давхрын хүнс, гэр ахуйн барааны тасгаас хуссэнээ авч болохоос гадна шил толь болсон хоёрдугаар давхраас Еlizabeth Arden, Reүlon зэрэг фирмийн гоо сайхны бүтээгдэхүүн болон хувцсыг сонирхож оолох.
Брэнд дэлгүүрийнхэн нүдэндээ харагдсан бол-гоноо авч, өлгөөд байдаггүй нь азаарагдаж таараа. Өөрөөр хэлбэл, брэнд гэдэг утгаараа бараагаа сонгохдоо өөрийн орны хэрэглэгчдийн дуртай өнгө, биед нь зохицеон барааг олон улсын үзэегэлэн яармагийн үсэр захиалж авчирдаг учраас харьцангүй үнэтэй байдаг.
Мөн өндэр үнэтэй бараагаа заавал зарагдах ёстой гээдудтал өлгөхгүй. Баяр ёслол, улиралтай холбоотойгоор 30, 40 хувийн хямдрал зарладаг нь брэнд дэлгүүрийн онцлог гэх үү дээ. Фирмийн хувцасны хямдрал манайд өнгөрсөн шинэ жилээс олонтаа сонсогдох болсныг анзаараа биз.
Тухайлбал, Монтана жинс шоп барааныхаа үнийг 30 хувь хямдрууллаа гэсэн мэдээлэлд нэг л итгэж өгөхгүй байна уу? Монголд фирмийн хувцасны бизнес цэцэглэж байгаа учраас энэхүү мэдээлэлд итгэхээс аргагүй.
Шинэ жилийн дараа UB mart дэлгүүрийн нэхий дээлний үнийн хямдралын сургаар ирсэн үйлчлүүлэгчидийн тоо ерээд оны картын барааны урт дарааллыг санагдуулсан.
Мөн саяхан Брэнд хэрэглээ нэртэй үзэегэлэн худалдаа болсон нь дэлгүүрийн бизнест шинэ эрин эхэлснийг илэрхийлэв. Уг үзэегэлэнг зохион байгуулагчид брэнд хувцасны үзэегэлэн худалдаа нийгмийн захиалга гэж хэлж болно.
Манайд өнөөдөр дэлхийн нэртэй фирмийн бараа борлуулдаг 200 орчим дэлгүүр байна хэмээн ярьсан. Мэдээлэл, технологийн үндэсний паркт болсон дээрх үзэсгэлэн таван өдрийн турш хөл хөдөлгөөн ихтэй байв.
Соёлтой, боловеон үйлчилгээ, шинэ бараатай супермаркетууд болон брэнд дэлгүүрт тавтай зочлох цаг болжээ.

(өнөөдөр 2005-04-25 097)
И.ОТГОНЖАРГАЛ