Байнга бухимдаж, удаан хугацаагаар бухимдлаа тайлахгүй байх нь зүрх судасны өвчинд нэрвэгдэх, ходоодны шархлаа өвчин үүсэх, сэтгэцийн өвчтэй болох зэргээр хүний эрүүл мэндэд сөргөөр нөлөөлдөг.
1. Өөрийгөө таньж мэд
Таньд олон сайхан чанар бий. Түүнийгээ олж мэдэхийг хичээ. Сайхан хувцсаа өмс толинд хар. Та өөрийнхөө сайн сайханд итгэ.
2. Ажил амралтаа зөв зохицуул
Аливаа зүйлийг цаг хугацаанд нь хийж бай. Бүр болохгүй бол завсарла. Сайн бод. Санаандаа багтсан үед хийчих. Амралтаа ажил шигээ төлөвлө. Ажлаа шаардлагаар нь ангилж, дэс дараалалтай хийж сур.
3. Бишрэн шүт
Байгаль дэлхий, уул ус, эцэг эх, хань нөхөр, ах дүү, үр хүүхэд гэх мэт өөртөө байгаа үнэт зүйлсээ бишрэн шүт. Өөрийгөөтайвшруулах бясалгал үйлдв
4. Дуу хөгжим сонирх
Сайхан дуу сонсох , өөрөө болон бусад хүмүүстэй хамтран дуулж бүжиглэж, хөгжимдөх нь хийморийг сэргээж, сэтгэлийг тайтгаруулна.
5. Найз нөхөдтэйгээ дотно харьцаатай бай
Та зөвхөн зоримог хүчтэй гэж бүү оролд. Найз нөхөд чухал шүү. Иймээс тэдэнтэй байнга дотно харьцаатай байж, сэтгэлээ онгойтол ярилцаж сураарай.
6. Тусламж авч бай
Хүн бүрт тусламж байнга хэрэгтэй байдаг. Гэр бүлийнхэн, найз нөхөд, хамт олон, өрхийн эмч сувилагчдаа хандаж тусламж авахыг хичээгээрэй.
7. Дасгал хөдөлгөөн хий
Юуны өмнө биеэ суллаад хэд хэдэн удаа гүнзгий амьсгал. Идэвхитэй хөдөлгөөн хийх, усанд сэлэх, явган алхах, бүжиглэх, дугуйгаар явах, морь унах гэх мэт олон аргуудаас аль боломжтойг нь сонгож хийх. Энэ нь бухимдал тавгүйтлийн үед онцгой тустай байдаг.
8. Бусдыгаа сонс
Сэтгэлээр бухимдаж, айж түгшсэн хэн нэгнийхээ үгийг анхааралтай сонсож, зөвлөгөө туслалцаа үзүүлэхийг хичээ.
9. Мэдрэхүйг сйжруул
Хэт их ачаалалтай сэтгэл тавгүй ү)д бие, нүүр,хөлөндөө иллэг массаж хийлгэх нь сэтгэлийг тайтгаруулан биеийн чилээг гаргана.
10. Инээмсэглэж яв
Сайхан инээмсэглэл хүний сэтгэлийг байнга сэргээж байдгийг санаж, Та өөрөө байнга инээмсэглэж, бас бусдыгаа инээлгэж яваарай.
11. Бодлоо хуваалц
Хэнд ч гэсэн ганцаардах, уйтгарлах, тулгарсан бэрхшээлдээ тайтгарч суух тохиолдол үе үе гардаг. Ийм үед бодлоо бусадтай хуваалц. Танд хэн нэгэн хүн заавал туслана.
12. Шинэ зүйлд байнга суралц
Шинэ зүйл сурч, ур чадвараа дээшлүүлж байвал таны нэр хүнд өснө. Энэ нь танд найз нөхдийн хүрэгээ тэлэх, ажлын байр сууриа дээшлүүлэх таатай боломж олгосноор сэтгэл санаанд тань эрч хүч нэмнэ.