Нэгдїгээрт сонгогч хаана бїртгэлтэй байсан, тэр газраа л заавал очиж саналаа өгдөг байх. Энэ хугацаанд очиж саналаа өгч чадахгїй бол яахав хоцордог л юм байгаа биз. Yгїй бол албан газар нь очиж авах ч юм уу уул бїртгэлтэй байсан тойрог засаг захиргаа нь хариуцах.
Хоёрдугаарт, урьд өмнө ял шийтгэлгїй, өр зээлгїй, ямар нэг асуудалд орж байгаагїй, зан төлөвийн хувьд төлөвшсөн, шилдэг хїнээ олж дэвшїїлж байх зэрэг шалгууртай баймаар байна.
Асуудалд орж явсан хїнийг дэвшїїлэхгїй байх хэрэгтэй байна. Ёс зїйтэй, ёс суртахуунтай хїнийг дэвшїїлж баймаар байна.
Гуравдугаарт, сонгуулийн їеэр хээл хахууль /мөнгө төгрөг, архи/ худал амалдгийг бїрэн зогсоох тийм явдал гарсан тохиолдолд зохих арга хэмжээ авдаг, нэрийг нь хїртэл татгалзуулж зогсоодог байх, сонгуулийг аль болох будлиангїй явуулдаг болгох, бїх талыг харсан сайн хуультай болмоор байна.
Дорнод аймаг, Хэрлэн сум, 2 дугаар багийн иргэн Н.Хоохой
Одоо болох Ерөнхийлөгчийн сонгуульд сурталчлах ажлыг өргөн хїрээтэй явуулж, ард тїмэндээ їнэнийг итгїїлэн ойлгуулах, улс орноо авч явах найдвартай, төрийн зїтгэлтнийг олж сонгоно гэдэгт л итгэж санал бодлоо нэмэрлэж байна. Самбуу даргаас хойш л нам төвтэй болсоор өнөөг хїрч ирсэнд дїгнэлт хийж, эрх мэдэлтэй, төр шиг төртэй байхыг л ард тїмэн хїсэн хїлээж байдгийг бодоосой гэж санана.
Өнөөдөр олон залуу намууд гарч їйл ажиллагаа, бодлого хэрэгжїїлж байгаа хэдий ч МАХН-ын туулсан туршлага алсыг харсан улс төрийн бодлогын хувьд ард тїмэндээ итгэл төгс байгаа нь тодорхой. Манай нам улам шинэчлэгдэж бїх їйл ажиллагаа їзэл бодол нь олон тїмэнд ил тод болон зөв баримтлал нь хэрэгжсээр байна. Энэ байдалд хорсон заналхийлж, элдвийн эрээ цээрээ алдсан їйл ажиллагаа явуулсаар байгаа сөрөг хїчнийхний хардлага, хандлагад санаа зовж байдаг юм. Манай эвслийн нөхөд өнөөдөр эвлэлдэн нэгдэн, зөвшилцөн тохиролцох гэдэг нэрийн дор, дотроос нь хагарган бутаргах, хор найруулах, улс төрийн нууц бодлого, далдуур агуулга явуулж гаднын аль нэг хїчинтэй хээл хахуулиар тїншлэх мэтийн элдэв явуургїй байдал, зарим хэвлэл мэдээллээр гарч байгаа нь сонгуулийн өмнө болдог улиг домог хэвшил гэлтэй билээ. Энэ л їед улс нийгмээ гэсэн їзэл санаатай, оюуны эрїїл чадвартай, хэн ч байсан, бодол санаагаа, төр засагтаа сонордуулах нь чухал юм. Иймд
1.Улсын Их Хурлаар шийдэж чадахгїйд хїрч удааширдаг зарим асуудлыг ард тїмнээрээ санал асуулга явуулж байж шийдэж баймаар байна.
2.Ард тїмний сонголтоор төр тїшилцэх албанд гарч ирээд амлалт їїргээ биелїїлдэггїй, сонгогчидтойгоо эргэж уулздаггїй хїмїїсийг огцруулах, эргїїлэн татах, УИХ, Засгийн газрыг ч тогтвортой байх эсэх тухай олон улсын жишгийг харгалзан хуулиндаа өөрчлөлт оруулах нь зїйтэй гэсэн санал тавьж байна. Манай улс байгаль, цаг уур орчиндоо зохицсон бэлчээрийн мал аж ахуйгаар амьдарсаар ирсэн. Иймд эрчимжсэн мал аж ахуйг аажмаар төв суурин бараадуулан хөгжїїлж, монгол малаа өсгөн їржїїлж цөм сїрэг мэтээр хайрлан хамгаалах нь чухал юм. Мал, малчин өрхөд оногдох элдэв татвар, экспорт болон нутаг бэлчээрийн хязгаарлалт, ер нь малтай амьдрахтай холбогдсон аль нэг шахалт хавчилтыг багасгаж, харин ч ямар нэг талаар дэмжлэг урамшил їзїїлж байх нь чухал байна.
Говь-Алтай аймаг, Цогт сумын ахмад настан Н.Готов
1.Их Хурал олон хууль гаргаж, нийгэм дэх харилцааг зохицуулах талаар их ажил хийж байна. Харамсалтай нь орон нутагт хууль, тогтоол мэддэг, мэдэхийн төлөө ажилладаг, ард тїмэндээ мэдээлдэг тийм дарга, тїшмэлїїд суманд алга. Иймд хуулиа биелїїлэх, їндэс нь миний бодоход сурталчлахаас эхлїїлж хяналт тавихыг УИХ онцгойлон анхааралдаа авна уу.
2.Сонгуулийн хуульд тїїний заалтыг зөрчигсдөд хїлээлгэх хариуцлагын талаар биелэгдэх заалт оруулах, жишээ нь хїний саналыг гїтгэлэг, хоосон амлалтаар худалдаж авч байгааг зогсоох асуудлыг хуульд тодорхой тусгамаар байна. Жишээ татахад манай хөдөөд хятадын бэлэн хоол, цай, цагалбар тараах төрөл садан найз нөхдөө машин гаргаж цуглуулан санал авдаг дутагдал өнгөрсөн намрын сонгуулиар гарлаа.
3.Ард тїмэн бид өдрийн бодол, шөнийн зїїд болж зовоож шаналгадаг, сэтгэлийн өвчин бол Монголд шударга явдал устсан, хуулийн өмнө тэгш байх хїний хэв шинж алдагдсан явдал юм. Yїнийг төрийн тїшээд болгоогооч.
Bolod.М /УИХ-ын мэдээ/