Нийгмийн дэг журмыг бэхжүүлэх, гэмт хэргээс урьдчилан сэргийлэх ажлын төлөв байдал, цаашдын зорилтын тухай асуудлыг Нийслэлийн ИТХ-ын ээлжит 4 дүгээр хуралдаанаар хэлэлцэхээр шийдвэрлэсэн билээ.

Иргэдийн аюулгүй байдлыг хангах, нийгмийн дэг журмыг бэхжүүлэх, гарч буй гэмт хэргийн шалтгаан нөхцлийг судлан тодорхойлж, гэмт хэрэгтэй тэмцэх, урьдчилан сэргийлэх цогц арга хэмжээг үндэслэлтэй оновчтой явуулах нь нийслэлийн тулгамдсан асуудлын нэг болж байна.

2005 оны эхний 5 сарын байдлаар нийт 3646 гэмт хэрэг бүртгэгдсэн нь урьд оны мөн үетэй харьцуулахад 15.7 хувиар буурчээ. Бусдын эд хөрөнгийг дээрэмдэх гэмт хэрэг 7.3, булаалтын гэмт хэрэг 10.1, танхайрах гэмт хэрэг 8.1, хүчиндэх гэмт хэрэг 26.6, бусдын эд хөрөнгийг хулгайлах гэмт хэрэг 31.8, үүнээс иргэдийн өмчийн хулгай 35.4, хүний эрх, эрх чөлөөний эсрэг гэмт хэрэг 9.5 хувь тус тус буурсан байна.

Гэвч хүнийг санаатай алах гэмт нэрэг 11.3, бусдыг амиа хорлоход хүргэх гэмт хэрэг 3.3, эд хөрөнгө ашиглах гэмт хэрэг 1.2, мал хулгайлах гэмт хэрэг 2.3, хөдөлгөөний аюулгїй байдлын болон ашиглалтын журам зөрчих гэмт хэрэг 4.2 хувь өссөн байна.

Нийслэлд гэмт хэрэг, хэв журмын нөхцөл байдал хүндэрч, иргэдийн амгалан тайван амьдрах, аюулгүй байдал хангагдахгүй байгаа нь иргэдийн шилжилт хөдөлгөөн, ажилгүйдэл, ядуурал, архидалтаас үүдэлтэй бөгөөд гэмт хэрэгтэй тэмцэх, урьдчилан сэргийлэх, нийгмийн дэг журмыг хангах ажилд иргэд, аж ахуйн нэгж байгууллагын оролцоог уялдуулах, зохион байгуулах ажиллагаа хангалтгүй, амар хялбар аргаар амьдрахыг хүсэгчид олширч, гэмт хэрэг зөрчил үйлдэгчид бүлэг зохион байгуулалтын хэлбэрт шилжиж байгаатай холбоотой юм.

Иймд нийгмийн дэг журмыг бэхжүүлэх, гэмт хэрэг зөрчлөөс урьдчилан сэргийлэх ажилд иргэд, аж ахуйн нэгж, иргэний нийгмийн байгууллагыг өргөнөөр оролцуулах, тэдний үйл ажиллагааг дэмжих, төр, захиргаа, хууль хяналтын байгууллагуудын хамтын ажиллагааг эрчимжїїлэн нэгдсэн бодлого, чиглэлтэйгээр ажиллах шаардлага тавигдаж байна.

Нийслэлийн хэмжээнд нийгмийн дэг журам бэхжүүлэх, гэмт хэрэгтэй тэмцэх, урьдчилан сэргийлэх талаар 2005-2008 онд баримталж хэрэгжүүлэх хөтөлбөр-ийг боловсруулах ажлын хэсгээс уг хөтөлбөрийн бүтэц, багтаамж агуулгыг тодорхойлж, УИХ, Засгийн газраас батлан хэрэгжїїлж байгаа хөтөлбөрїїдийг нийслэлд хэрэгжїїлэх асуудлыг судалж, нийслэлийн бүх дүүрэг, 20 гаруй харьяа газар, хэлтэс, албадын удирдлага болон тэдгээрийн ажил хариуцсан мэргэжилтнүүдийн санал, дүгнэлт, судалгаа, 4 дүгээр хуралдаан угтаж явуулсан хэлэлцүүлгээс гарсан санал дүгнэлтэд тулгуурлаж нэгтгэн тусгахад анхаарч ажиллаж байна.

Та бүхэн дараах үйл ажиллагааны чиглэлээр гэмт хэргээс урьдчилан сэргийлэх ажлыг хэрхэн зохион байгуулах талаар саналаа бидэнтэй хуваалцана уу.

1. Нийгмийн дэг журмыг бэхжүүлэх, бүх шатанд ажлын хариуцлагыг дээшлүүлэх чиглэлээр

2. Иргэд, аж ахуйн нэгж, олон нийт шашин, сүм хийдийн байгууллага, төрийн бус байгууллагын оролцоог өргөжүүлэх чиглэлээр

3. Хэвлэл мэдээллийн байгууллагын оролцоог идэвхжүүлэх чиглэлээр

4. Архидан согтуурахтай тэмцэх, хяналт тавих, урьдчилан сэргийлэх ажлыг эрчимжүүлэх чиглэлээр

5. Хулгайн болон мал хулгайлах гэмт хэрэгтэй тэмцэх чиглэлээр

6. Хүүхэд, залуучуудыг хэрэг, зөрчил, осол эндэгдлээс урьдчилан сэргийлэх чиглэлээр

7. Замын хөдөлгөөнд оролцогчдын соёлыг дээшлүүлэх, хөдөлгөөний аюулгүй байдлыг хангах чиглэлээр

8. Онц хүнд, зохион байгуулалттай гэмт хэрэгтэй тэмцэх чиглэлээр

9. Хар тамхи, мансуурал, донтох эмгэгтэй тэмцэх, түүнээс урьдчилан сэргийлэх чиглэлээр

10. Гамшиг, гал түймэртэй тэмцэх чиглэлээр

11. Иргэний бүртгэлийг сайжруулах, шилжилт хөдөлгөөнийг зохицуулах чиглэлээр

12. Захиргааны хүнд суртал, авилгал хээл хахуультай тэмцэх чиглэлээр

13. Хүчирхийлэлтэй тэмцэх чиглэлээр

14. Садар самуун, бэлгийн замын халдварт өвчин, ДОХ-той тэмцэх чиглэлээр

Та Нийслэлийн Иргэдийн Төлөөлөгчдийн Хурлын үйл ажиллагаа, Тэргїїлэгч, Төлөөлөгчдийн талаар мэдээлэл авахыг хүсвэл www.citycouncil.mn хаягаар хандана уу.

Нийслэлийн Иргэдийн Төлөөлөгчдийн Хурлын Ажлын албанаас НИТХурал болон түүний Тэргүүлэгчид, төлөөлөгчдийн үйл ажиллагааг ард тїмэнд ойртуулах, хурлаас гарсан тогтоол шийдвэрийг нийтэд ил тод хурдан шуурхай мэдээлэх, олон нийтийн санаа бодлыг шуурхай хүлээн авах зорилгоор НИТХ-ын http//citycouncil.mn вэб хуудас болон бүх төлөөлөгчдөд http//mail.citycouncil.mn mail serүer нээн ажиллуулж эхлээд байна.