Одоогоор бэлтгэл ажил 80 хувьтай явагдаж байгаа бөгөөд сонгодог урлаг тэр дундаа балет сонирхогч хүмүүс тэсэн ядан энэ өдрийг хүлээж байна. Хунт нуурт бүжиглэнэ гэдэг балетчин хүний туйлын мөрөөдөл байдгийн зэрэгцээ энэ бүжгэн жүжигт тоглосон бүжигчин өөрийгөө жинхэнэ балерина боллоо хэмээн үнэлэх боломжтой болдог. Тэгвэл энэ удаагийн хунт нуур бүжгэн жүжгийн гол дүрд балетчин Цолмон /CTA/, X.Ганчимэг/CTA/, D.Батболд, Д.Алтанхуяг/CTA/ нар бүжиглэхээр болжээ. Түүнчлэн энэ удаагийн тоглолт балетын ахмад бүжигчдэд тайзнаа дахин гарах боломж олгож байгаагаараа онцлог юм.