Ямар замаар халдвар дамжих вэ?
Мөөгөнцөр хэт ихэссэн үедээ бэлгийн хавьтлаар дамжин халдварлах чадвартай байна.
Нууц үе Халдвар авснаас хойш дунджаар 1- 7хоногийн дараа анхны шинж тэмдгүүд илэрнэ.
Шинж тэмдгүүд
Эрчүүдэд
Шинж тэмдэг илрэхгүй байх нь түгээмэл.
Тээрхийн толгой цайвар өнгөрөөр хучигдах, арьс нь түлэгдсэн мэт жижиг жижгээр цоохортох шинж гарч болно.
Бэлгийн хавьтлын үед хорсож өвдөх шинж илэрч болно.
Эмэгтэйчүүдэд
Шинж тэмдэггүй явагдаж болно. Эсвэл
Бэлэг эрхтэн орчим загатнах, бэлгийн хавьтлын үед хорсох шинжүүд илэрнэ.
Үтрээний цагаан юмны хэмжээ ихсэн өтгөн, ээдэмцэр шиг болно.
Бэлгийн уруул улайж хавдаж болно.
Ямар шинжилгээ хийлгэх вэ?
Шээсний сүв болон үтрээний ялгадасаас дээж аван наацын шинжилгээ хийнэ. Эрэгтэйчүүдийн хувьд ямар нэг илрэх шинж тэмдэг мэдэгдэхгүй байгаа нөхцөлд 4-6 цаг шээхгүй байсны дараа эсвэл өглөө шээхгүй байж байгаад шинжилгээ өгөх нь илүү тохиромжтой байдаг.

Ямар эмчилгээ хийлгэх вэ?
Эмчилгээний хугацаа нь бусад халдвартай хавсарсан эсэхээс хамаарна. Төгс эмчлэгдэнэ. Эмчилгээ эмчийн хяналтан дор гэрээр хийгдэх бөгөөд харин эмчилгээ дуусснаас хойш дахин шинжилгээ өгч өөрийнхөө бүрэн эрүүл болсон эсэхээ заавал тогтоолгоорой.
Өвчний үед гарч болох хүндрэл
Бусад бэлгийн замын халдвартай хавсрах, тэдгээрийг дагах нь олонтоо бөгөөд заримдаа энэ нь эмчилгээг хүндрүүлнэ.

Анхаарах зүйл
Биеийнхээ эрүүл мэндэд анхаарч байх нь чухал юм. Биеийн эсэргүүцэл суларсан нөхцлүүдэд мөөгөнцрүүд эрчимтэйгээр үржиж олширч өвчлүүлдэг гэдгийг анхаарах хэрэгтэй.