Уимблдоний дунд шөвгийн тоглолтууд эхэллээ

Гэмтлийн улмаас өнжсөн Андре Агассиг эс тооцвол ихэнх шилдгүүд оролцсон уг тэмцээн эхний өдрөөсөө эхлээл олон олон дуулиан шуугиан, сонирхолтой тоглолтуудаар дүүрэн байсан билээ. Сар хүрэхгүй хугацааны өмнө Францын нээлттэй тэмцээн буюу Роллан Гаррос-т аваргалсан Бельгийн теннисчин бүсгүй Жастин Энен Арденн эхний тойрогтоо ялагдал хүлээн нутаг буцсан нь хамгийн том сенсаац болсон бөгөөд мэргэжилтнүүд, үзэгчид түүнийг түрүүлнэ хэмээн таамаглаж байлаа. Мөн Роллан Гаррос-ын эрэгтэй аварга, Испаний залуу теннисчин Рафаел Надал олонхийн бодож байсанчлан зүлгэн дээр тааруу тоглодог гэдэг нь нотлогдож, мөн л харьцангуй эрт тэмцээнээ дуусгалаа.

Гэмтэлтэй байсан хэдий ч Уимблдонд оролсон Марат Сафин 3-р тойргоос хасагдсан бол Серена Уилльямс мөн 3-р тойрогт нутаг нэгт Жилл Крайбаст 2-хон сетэд хожигдсон байна.
Одоогийн байдлаар эрэгтэй эмэгтэй ганцаарчилсан төрөлд тус бүр шилдэг 8 теннисчин үлдээд буй бөгөөд эдэн дундаас Оросын 4 бүсгүй дунд шөвөгт үлдлээ. Эмэгтнйчүүдийн шөвгийн наймд
Линдсей Давенпорт /1. АНУ/ – Светлана Кузнщцова /5. ОХУ/
Амели Моуресмо /3. Франц/ – Анастасиа Мискина /9. ОХУ/
Мэри Пьерс /12. Франц/ – Винус Уилльямс /14. АНУ/
Мариа Шарапова /2. ОХУ/ – Надиа Петрова /8. ОХУ/ гэсэн оноолтоор тоглох бол эрэгтэйчүүдийн шөвгийн наймд
Рожер Федерер /1. Щвейцари/ – Фернандо Гонзалес /21. Чили/
Ллейтон Хьюитт /3. Австрали/ – Фелисиано Лопес /26. Испани/
Томас Йоханссон /12. Швед/ – Давид Налбандян /18.Аргентин/
Энди Роддик /2. АНУ/ – Себьястян Грожан /9. Франц/ нар тус тус тоглоно.