Сурах бичиг хэвлэлт зах зээлийн харилцаанд шилжиж эхэллээ
Төрийн нуруун дээр маш их ачаа байна аа гэдэг утгаар сурах бичгийг сурагчид өөрсдөө мөнгөөрөө авдаг боллоо. Ирэх хичээлийн жилээс сургуулиуд өөрсдөдөө таалагдсан сурах бичгээ сонгон авч хичээллэхийг туршиж байна.
Одоогоор Эдмон, Өнгөт хэвлэл, Урлах эрдэм, Сод пресс, Мөнхийн үсэг, Соёмбо зэрэг компаниудын бэлтгэсэн сурах бичиг тэнцээд байна.
Шинээр хэвлэгдэн гарсан сурах бичиг нь ойролцоогоор 3000 төгрөгийн үнэтэй, ойрын хэдэн жилдээ өөрчлөгдөхгүй байхыг бодолцож сэдэв агуулгыг нь боловсруулсан байна. Ер нь яваандаа сурагчид бүх сурах бичгээ худалдан авдаг журамд шилжих юм байна аа. Амьдралын боломжгүй ядуу өрхийн хүүхдийн сурах бичгийн үнийг харин төр хариуцах гэнэ.
