Ерөнхий сайдын захирамжаар Улсын мэргэжлиин хяналтын газрын даргаар томилогдсон Б.Баасанд Улсын Ерөнхий байцаагчийн эрх олгов. Мэргэжлийн хяналт эрхэлсэн сайд Д.Дорлигжавын тайлбарлаж буйгаар бол Улсын Ерөнхий байцаагчийн эрх олгосноор шинэ дарга эрхээ хэрэгжүүлж эхлэх юм байна. Хуулиар Ерөнхий сайд томилж, Засгийн газар эрх өгдөг гэнэ. Ажлаас хууль зүйн үндэслэлгүй халсан гэх гомдлын тухайд сайд ярихдаа Ажлаас чөлөөлөгдсөн хүн гомдол гаргах, сэтгэл дундуур байх ердийн л үзэгдал. Би болсон бүх юмыг тоочих хэрэггүй гэлээ.

Засгийн газрын хуралдаанаар Улсын мэргэжлийн хяналтын ажилтнуудын өдөртэй болсон нь уг салбарт ажиллагсдад урам өгсөн үйл явдал гэж сайд тайлбарлав.

Б.ХИШИГ
(өдрийн сонин 2005-07-07 164)