Эрүүл мэндийн сайд Т.Ганди шийдвэр гаргах гэж байгаа талаар хэд хоногийн өмнөөс эхэлж шуугисан билээ. Өнөөдрийн байдлаар ийм шийдвэр хараахан гараагүй бай на. Гэхдээ гарахад их ойрхон байгаа гэж тэнд байр түрээслэж байгаа эмч, эмнэлгийн ажилтнууд ярьж байгаа юм. Тэд 2005 оныг дуустал байгуулсан гурван талт гэрээ хүчин төгөлдөр байгаа. Ийм нөхцөлд дээрх шийдвэрийг сайд гаргавал эсэргүүцлээ илэрхийлж тэмцэхээр түр хороо байгуулсан байна. Түр хорооноос Монголын эмч,эмнэлгийн ажилтнуудад хандан уриалга гаргажээ.

Уг уриалгад Эрүүл мэндийн үйлчилгээнии хоёрдугаар төвд төвлөрч нэр бүхий 15 эмнэлэг, нэгдсэн эмнэлгийн зохион байгуулалтаар иргэдэд эрүүл мэндийн үйлчилгээ үзүүлэх болсоор тав дахь жилийнхээ нүүрийг үзэж байна. Өнгөрсөн хугацаанд эмнэлгүүдийн үйл ажиллагаа цэгцэрч иргэдийн итгэлийг хүлээж, өөр өөрийн үйлчлүүлэгчтэй болж, хүрээгээ тэлж байгаа билээ. Гэтэл мэргэжлийн бодлого боловсруулж удирдлагаар хангаж байх үүрэгтәй Эрүүл мэндийн яам /ЭМЯ/, сайд хатагтай Т.Ганди тус төвд байр түрээслэж байгаа эмнэлгүүдийг нүүлгэх,нэг үгээр хэлбэл байр суллаж өгөхийг шаардах боллоо. ЭМЯны зүгээс барьж байгаа энәхүү эрүүл гэж хэлэхэд хэцүү бодлого иргэдэд эмнэлгийн үйлчилгээ үзүүлж байгаа эмнэлгүүдийн үйл ажиллагааг доголдуулахад хүргэж болзошгүй болоод байна. Үүнээс гарах сөрөг үр дагаврыг эмнэлгүүдэд байр суллахыг тулган шаардаж байгаа ЭМЯ, сайд хатагтай Т.Ганди хариуцах учиртай гэж дээд эмч эмнэлэгийн ажилтнуудад хандан уриалга гаргаж байна. Монголын эмч нар бид ард түмнийхээ өмнө тангараг өргөсөн үүрэгтэй хүмүүс. Энэ үүргээ умартан ажил хаях зүрх бидэнд байдаггүй. Үүнийг нь далимдуулан эрх мэдэлтнүүд бидний эсрэг дуртай шийдвэрээ гаргаж байна.
Эрүүл мэндийн хоёр дугаар төвд байр түрээслэж байгаа эмнэлгүүд нь өнгөрсөн хугацаанд чамлахааргүй түрээс төлсөн байгаа. Түрээс төлөөд зогсохгүй, жил жилийн урсгал засварыг эмнэлэг тус бүр түрээсэлж байгаа өрөө, тасалгаагаа өөр өөрийн хөрөнгөөр хийж ирлээ. Харин биднээс өндөр түрээс авч байгаа ЭМЯ-ны томилсон ерөнхий түрээслүүлэгч нь бидний ажиллах нөхцлийг хангахын оронд, мөнгө төгрөг хүрэлцэхгүй байна гэдэг нэрээр түрээсийн төлбөрийг байнга нэмэх бодлого барьж ирлээ. Энэ нь одоо бүр даамжирч байр түрээслэгч эмнэлгүүдийг гудамжинд гаргахад хүрээд байна. Байр түрээслэгч эмнэлгүүдийн талаар барьж байгаа ЭМЯ-ны бодлого, сайд хатагтай Т.Гандийн гаргах гэж байгаа шийдвэрийг эсэргүүцэж, Эрүүл мэндийн үйлчилгээнии хоёр дугаар төвд байр түрээслэгч эмнэлгүүдийн эмч, ажилтнуудын эрх ашгийг хамгаалах түр хороо байгуулан ажиллаж байна. Хэрэв сайд Т.Ганди ийм шийдвэр гаргавал одоо хүчин төгэлдер байгаа ЭМЯ, ТӨХ, түрээслэгчдийн 2005 оныг дуустал байгуулсан гэрээг зөрчинө. Гэрээг зөвхөн ганц тал нь буюу ЭМЯ дур мэдэж өөрчлөх учиргүй. Энэ гэрээ зөрчигдсөн тохиолдолд бид Хүний эрхийн үндэсний комисс хийгээд Олон улсын эрүүл мэндийн байгууллагад хандах болно.
Түр хороо байгуулагдсан цагаасаа эхлээд ЭМЯ, сайд хатагтай Т.Гандийн гаргах гэж байгаа шийдвэрийн талаар олон нийт болон, үйлчлүүлэгчдэдээ үнэн зөв мэдээллийг цаг алдалгүй хүргэхийн төлөө ажиллаж байна.

Эрүүл мэндийн салбарын хувийн хэвшил туулсан зам, хуримтлуулсан туршлага багатай эмзэг үе шатан дээрээ байгаа. Үүнийг хөлийг нь дөрөөнд нь, гарыг нь ганзаганд нь хүргэх үүрэг хувийн эмнэлэг ажиллуулж байгаа эмч ажилтнуудаас гадна төрд ЭМЯ-нд давхар ногддог юм. Гэтэл энэ үүргээ ухамсарлахгүй, ЭМЯ хувийн эмнэлгүүдийг боймлох бодлого явуулж байгаа нь харамсалтай. Хувийн эмнэлгүүдийн үнэмлэхүй олонх нь бидний адил байр түрээслэдэг. Өнөөдөр бидэнд тулгарч байгаа энэ бэрхшээл маргааш байр түрээслэгч эмнэлгүүдийн эмч ажилтануудад тулгарна. Иймд эмч, эмнэлгийн ажилтан та бүхнийг манай түр хорооны тэмцэлд нэгдэхийг уриалж байна гэжээ. Байрнаас гарна, гарахгүй гэх маргаан тус төвийн ерөнхий түрээслэгч түрээсийн төлбөрөө нэмснээс үүдэн гарсан юм байна. Түрээсийн төлбөрийг үндэслэлгүй нэмлээ гэж түрээслэгчид, ЭМЯ болон ТӨХнд гомдол мэдүүлжээ. Тэдний гаргасан гомдлын дагуу ТӨХ шалгаж үзээд уг байрыг нэн даруй хувьчлах нь зөв гэсэн шийдэлд хүрчээ. Гэвч ЭМЯ ТӨХны энэ байр суурийг өөрчилж, мэдэлдээ авч үлдэнэ. Харин хувийн эмнэлгүүдийг гаргах дээрх хувилбарыг сонгоод байгаа бололтой. ЭМЯны энэ байр суурьт эмч, эмнэлгийн ажилтнууд бухимдаж байгаа юм.

Г.ЭРДЭНЭБАТ ( Өдрийн сонин 164)