65-р тойргоос сонгогдсон Намбарын Энхбаяр Монгол улсын Ерөнхийлөгчөөр сонгогдсон тул тойрогт нь нөхөн сонгууль явуулах шаардлага гарсан. Холбогдох хуулийн заалтаар бол Ерөнхийлөгчийг тангараг өргөснөөс хойш 14 хоногийн дотор УИХ-ын тойрогт нь явуулах нөхөн сонгуулийн товыг зарлах ¸стой. Энэ хугацаа нь энэ 7 хоногт дуусах юм. Тиймээс УИХ-аар шийдвэр гаргуулж 7-р сарын 15-наас сонгуулийн компанит ажлыг эхлэн 8-р сарын 28-нд санал хураалт явуулах саналыг Сонгуулийн ерөнхий хороо гаргалаа. Энэ саналыг Төрийн байгуулалтын байнгын хорооны гишүүд дэмжиж байна. Нөхөн сонгуулийн нийт зардлыг 5 сая 270 мянган төгрөг байхаар тооцож байгаа юм. Асуудал чуулганы нэгдсэн хуралдаанаар яригдаж эцсийн шийдвэр гарна.