Хомхой долоох буюу амны орчим цэврүүт тууралт гардаг өвчнийг хүмүүс сайн мэддэг шүү дээ. Мөн л түүнтэй адил гэхдээ зөвхөн бэлэг эрхтэн орчим цэврүү гардаг өвчин юм.

Ямар замаар халдвар дамжих вэ?
Гол нь бэлгийн хавьтлаар халдвар дамжина. Мөн жирэмсэн болон үед төрөх үед хүүхдэд халдвар дамжих боломжтой.

Нууц үе Халдвар авснаас хойш дунджаар 3 –7 хоногийн дараа зовиур илэрнэ.

Шинж тэмдгүүд
Эрэгтэйчүүд
Тээрхий, түүний эргэн тойрон, шодойн их бие, орчимд цэврүү гарах нь түгээмэл
Бэлэг эрхтний толгойн хэсэг, шээсний сүв (шээсний сүвэн дотор цэврүү гарсан тохиолдолд) цочирч хорсоно.
Эмэгтэйчүүд
Бэлгийн уруул, үтрээний амсар орчмоор цэврүү гарна. Тэрчлэн үтрээний дотор хана, умайн хүзүү зэрэг нүдэнд харагдахгүй хэсгээр гарах нь өвчний явц хүндрэхэд нөлөөлдөг.
Дотор гадна бэлэг эрхтэн, түүний орчим, хэлүү, умайн хүзүү цочирч хорсоно. Мөн хомхой долоох, толгой өвдөх, нуруу өвдөх, бие сулрах зэрэг шинж тэмдэг илэрч болзошгүй.
Нийтлэг шинж Эхлээд загатнах, хорсох, улайх шинж илэрч жижиг цэврүүнүүд туурна. Цэврүүнүүд хагарч шарх үүсснээс өвчтэй эмзэг болно. Бэлгийн хавьтлын үед өвдөх, хөндүүрлэх, хорсох зэрэг зовиурууд гарна. Бэлэг эрхтэн, түүний орчимд хэсэг газар, ховор тохиолдолд шулуун гэдэсний амсар хавиар тунгалаг шингэн бүхий жижиг цэврүүнүүд гарч, загатнаж хорсоно. Дараа нь цэврүүнүүд хагарч, хөндүүр бүхий жижиг шалбархай болон хувирч, тав тогтож эдгэнэ.

Ямар шинжилгээ хийлгэх вэ?
Цэврүү гарсан үед эмчийн үзлэгээр хараад оношлох боломжтой. Мөн цэврүүний шархнаас арчдас аван тусгай аргуудаар шинжилгээ хийх боловч үүсгэгчийн онцлог шинж чанартай холбоотойгоор хариу нь алдаатай гарах боломжтой байдаг байна.

Ямар эмчилгээ хийлгэх вэ?
Үүсгэгчийн идэвхийг бууруулах, авчин дахихаас сэргийлэх эмчилгээг эмчийн хяналтан дор гэрээр хийх боловч хүнд үед эмнэлэгт хэвтэж эмчлүүлдэг.

Өвчний үед гарч болох хүндрэл
Бүрэн төгс эмчлэгддэггүй учраас дахих хандлагатай. Мөн хорт хавдрын өвчнүүдийн шалтгаан болох нь олонтоо. Эмэгтэйчүүдэд бэлгийн хомхойн улмаас үр зулбах, дутуу төрөх, цөөн тохиолдолд төрөлхийн гажигтай хүүхэд төрөх хүндрэл гарч болно.

Анхаарах зүйл
Хомхойн вирус нь хүний бие махбдод нэвтрэн орсноос хойш насан турш байж халдвар тээгч болгодог. Уг вируснь хүний мэдрэлийн тогтолцоонд нуугдаж байдаг учраас халдвар тээгчид үүнийгээ мэдэлгүй бусдад дамжуулдаг аж.
Хомхой нь дархлалын тогтолцоог гэмтээдэг бөгөөд уг өвчний тодорхой давтамж нь хүний дархлалын хомсдолыг гүнзгийрүүлдэг.
Хомхойн энгийн вирус нь жирэмслэлт болон төрөлтийн үед үр зулбах, ураг амьгүй болох зэрэг эмгэг үүсэх шалтгаан болж болзошгүй.