Таны эрүүл мэнд, асуулт хариулт
Харин цатрикан2502 эм хэдхэн өдрийн дотор эдгээнэ. Та дөрвөн өдрийн турш өдөрт хоёр удаа, өглөө орой тус бүр 1 ш уугаарай. Гэр бүлийн хосууд нэг нь өвчний халдвар аваагүй байсан ч хамт эмчлүүлнэ. Эмчилгээний явцад бэлгийн харьцаанд орохгүй, хувийн ариун цэврийг чанд сахина. Дараа нь заавал давтан шинжилгээ өгнө.
-Вагинит өвчний тухай мэдэж авах гэсэн юм. Бас эмчилгээний талаар…
Вагинит өвчнөөр нөхөн үржихүйн насны эмэгтэйчүүдийн тал хувь нь өвддөг. Доош юм гарч, загатнах, бэлэг эрхтэн улайх зэрэг шинж тэмдэг илэрдэг, мөн хурьцал хийх боломжгүй зэрэг сөрөг талтай. Үтрээний бичил флорын ихэнх хувийг лактобактериуд бүрдүүлдэг ба түүний сүүн хүчил нь эмгэг бичил организмуудыг олшрох үржихэд саад болдог. Харин ямар нэг шалтгаанаар тэдгээр бичил организмуудын харьцаа алдагдахад үрэвсэл болдог. Жишээлбэл өндгөвчний ажиллагаа хямрах, биеийн дархлаа буурах, жирэмсэн үед, мэс заслын дараа ялангуяа үр хөндүүлсний дараа, антибиотик удаан хугацаагаар хэрэглэх, дааврын эм их уух, бэлгийн харьцаанд эрт орох, бэлгийн амрагаа олон солих гэх мэт. Үрэвсэл дөнгөж эхэлмэгц эмчлүүлэх шаардлагатай, учир нь умай, дагуур булчирхайд тарж, үргүйдэл, савны гадуур жирэмслэлтэнд хүргэх аюултай.
Эмчилгээ
Францын полижинакс-ыг 12 хоног хэрэглэнэ. Полижинакс -ыг эмчилгээний зориулалтаар төдийгүй урьдчилан сэргийлэх зорилгоор хэрэглэдэг.
Энэ бүтээгдэхүүн нь үтрээний бичил орчны тэнцвэрт байдлыг өөрчилдөггүй сайн талтай.
Түрүү булчирхай томорсныг яаж мэдэх вэ?
Түрүү булчирхай томрох, түрүү булчирхайн үрэвсэл хоёр ялгаатай. Түрүү булчирхай томрохыг аденома простата гэдэг бол түрүү булчирхайн үрэвслийг простатит гэдэг. Аденома нь нас ахиж яваа эрэгтэйчүүдэд тохиолддог бол простатит нь харьцангуй залуу насны эрэгтэйчүүдэд тохиолддог өвчин.
Аденома нь насны өөрчлөлт, дотоод шүүрлийн үйл ажиллагааны зогсонгишилтой холбоотой үүсдэг бол простатит нь гол төлөв халдварын улмаас, хааяа гэмтлийн шалтгаанаар үүсдэг.
Түрүү булчирхайн аденомын үед илрэх гол шинж тэмдэг нь шээс савирч гарах, яваандаа давсганд шээс дутуу үлдэх, шээс дусагнаж удаан гарах, чавцуурах зэрэг болно. Гэтэл түрүү булчирхайн үрэвслийн үед шээсний гарц өөрчлөгдөхөөс гадна өвдөх, халуу оргих, хавагнах зэрэг үрэвслийн шинж тэмдэг илэрдэг.
Зарим тохиолдолд дээрх хоёр өвчин хавсарч явагдах тохиолдол бий.
Түрүү булчирхайн үрэвслийг нянгийн эсрэг эмээр эмчилдэг бол аденомын үед гол төлөв дааврын эмчилгээ хийдэг.
Хүмүүс дээрх хоёр өвчнийг ялгахгүйгээр түрүү булчирхайн эм, бэлдмэлийг өөрсдөө дур мэдэн сонгох тохиолдол гарсаар байна. Энэ нь хоёр өөр эмчилгээ шаарддаг хоёр өөр өвчин учир буруу эм сонговол эмчилгээний үр дүнд сөргөөр нөлөөлнө.
Хэрэглэх эмээ сонгохоос өмнө та эхлээд оношоо зөв тогтоолгох шаардлагатай. Та оношоо тогтоолгохыг хүсвэл өрхийн эмчдээ эсвэл эрэгтэйчүүдийн нарийн мэргэжлийн эмчид хандаарай.
Дотор муухайрч толгой эргэх нь ямар өвчний шинж вэ?
Энэ нь даралт багасах, тархины цусан хангамж ба тамир тэнхээ муудахын шинж байна. Ямар нэгэн дотуур хордлогын шинж хавсарч байж болохоор зовиур байна. Даралт багассанаас тархины цусан хангамж муудаж толгой эргэж дотор муухай оргидог. Түүнээс болоод толгой өвдөнө. Амархан ядарч бие тавгүйрхэнэ. Даралт багасах шалтгаан нь хоол унд муугаас болно. Ялангуяа ногоон цай хэрэглэдэг хүмүүс хэрэглэхгүй болохоор цайгаа үгүйлж даралт багасах тамир муудах тал бий. Дотуур хордлогын улмаас даралт багасч тамир тэнхээ муудах тохиолдол бий. Та хол газар амьдардаг юм байна. Эхлээд сайн хоол цай хэрэглэхийг зөвлөе. Хэрвээ хоол цай муугаас болж дотор муухайрч байсан бол өөрийн чинь зовиур засрах болно. Хэрвээ дотуур хордлогоос болсон бол зүгээр болохгүй. Тэгэхээр ямар хордлого байгааг илрүүлэх хэрэгтэй болно. Түүний тулд та халуурч байгаа эсэх, ямар эрхтэнд үрэвслийн голомт байгаа эсэхийг өөрөө ажиглах хэрэгтэй. Эсвэл эмчид шууд хандаж болно.
Хань 2005/
