Намар болдоггүй чиний нутагт
Нар буцах гэж үгүй
Налуу газрын өвс гэрлийн хурдаар хагдрахгүй
Навчисын тээсэн уй хөлд чинь
Намайг чамд хайртай байсныг хальтрахгүй
Хэн ч дуулах гэж яарахгүй
Намар болдоггүй чиний нутагт
Намар болдоггүй чиний нутагт
Дахиад би очихгүй

Сүүдрээ хормойд чинь нулимас мэт унаган
Сүрэг тогоруу хүний нутгийг зорихгүй
Сүүлчийн дэлбээтэй хамт сэтгэл минь гээдсэнийг
Чи олж харахгүй
Намар болдоггүй чиний нутагт
Хавар гэж үгүй