Гэвч энэ байдал шинэхэн спикерийн маань зөвхөн өнгөн тал бололтой. Угтаа ясны хэрүүлч, хатуу самар гэгддэг Ц.Нямдорж УИХ-ын даргын суудалд суусан ч энэ чанараа тавиагүй аж. Тэрээр, УИХ-ын сахилга, зохион байгуулалтад гол анхаарлаа хандуулж, маш өргөн бүрэлдэхүүнтэй ажлын хэсгийг өчигдөр захирамж гарган томилсон байна.
УИХ-ын байнгын хорооны болон УИХ дахь намуудын дарга нар ажлын хэсгийн бүрэлдэхүүнд багтжээ. Тэд парламентын үйл ажиллагааг боловсронгуй болгох чиглэлээр төсөл боловсруулж, УИХ-ын намрын чуулганд танилцуулах үүрэг хүлээсэн аж. УИХ-ын хуралдааны ирц бүрдэхгүй сунжирч, зарим гишүн хэл чимээгүй ажлаа тасалж, ер нь л замбараагаа алдсан тул УИХ-ын дарга Ц.Нямдорж энэ байдлыг цэгцлэхээс ажлаа эхлэхээр шийдсэн нь энэ аж. Ажлын хэсгийн боловсруулсан төслийг хууль болгож ч магадгүйг эх сурвалж үгүйсгэсэнгүй. Хэрэв тэгвэл парламентын сахилгагүй гишүүд хүссэн хүсээгүй томоожих байх аа.

Э.Эрдэнэ
2005.07.9, Монголын мэдээ