сууц хөтөлбөрийг хэрэгжүүлэхтэй холбогдуулан НӨАТ, гаалийн татвараас чөлөөлөх асуудлыг үргэлжлүүлэн хэлэлцээд анхны хэлэлцүүлгийг нь хийлгэхээр байнгын хороодод буцаалаа. Үүний дараагаар Төрийн ордон, түүнийг тохижуулахтай холбогдуулан авах арга хэмжээний тухай ярилцсаар үдээс өмнөх хуралдаан өндөрлөсөн. Дэмжсэн, эсэргүүцсэн гишүүд олон байсан ч УИХ-аас гарах уг тогтоолыг анхны хэлэлцүүлгээр баталснаар үдээс өмнөх хуралдаан өндөрлөсөн.

Ирц хүрээгүйгээс хуралдаан хойшлов.

Үдээс хойших чуулганы нэгдсэн хуралдаан эхлэхээс өмнө Эдийн засгийн, Дэд бүтцийн болон Төсвийн байнгын хороод 40 мянган орон сууц хөтөлбөрийг хэрэгжүүлэхтэй холбогдуулан НӨАТ, гаалийн татвараас чөлөөлөх асуудлаар хуралдахаар болсон. Гэвч Дэд бүтцийн байнгын хорооноос бусад нь ирц бүрдээгүй. Дэд бүтцийн байнгын хорооноос уг асуудлын эхний хэлэлцүүлгийг хийж анхны хэлэлцүүлгээр нь батлуулахаар гаргасан горимын саналыг дэмжсэн юм. Харин бусад байнгын хорооны хуралдаанд МАХН-ын гишүүд оролцоогүй, уг асуудлыг ирэх намрын чуулганд оруулах бодлоор хуралдаанд оролцоогүй бололтой. Үүнээс болж чуулганы нэгдсэн хуралдаанд экс эвслийн гишүүд бараг оролцсонгүй. Уг нь ирэх намрын чуулганаар хэлэлцэх асуудлын жагсаалтыг батлах санал хураалт явуулах байв. Энэ үед гишүүн Л.Гансүх Байнгын хороод хуралдах ёстой байсан ч МАХН-ын гишүүд ирээгүйгээс хоёр байнгын хороо нь хуралдсангүй. Одоо эл хоёр байнгын хороо хуралдахаар МАХН-ын гишүүдийг хүлээж байна. Байнгын хороо хуралдсаны дараа чуулганы хуралдаанаа үргэлжлүүлье гэсэн санал гаргасан. Хариуд нь УИХ-ын дарга Ц.Нямдорж Нэгэнт асуудал хэлэлцээд санал хураалт явуулах болоод байна. Тиймээс санал хураалт явуулсны дараа байнгын хороо хуралдах эсэхээ шийдэх учиртай гээд түүнийг бусад гишүүдийг чуулганы хуралдаанд авчирч санал хураалтад оруулахыг хүсэв. Үүшнээс хойш бараг 20-иод минут ирц бүрдэхийг хүлээсэн. Эцэст нь нэгэнт гишүүдийн ирц бүрдээгүй тул чуулганы хуралдаан наадмын дараа хуралдахаар хойшиллоо.

УИХ-ын дарга 62-ын бүлгийн байх эсэх асуудлыг хөндлөө.

Энэ өдрийн чуулганы хуралдаанаар хаврын чуулганы хуралдаан өндөрлөхийг шахсан. УИХ-ын даргаас Хууль зүй, дотоод хэргийн сайдыг томилох болон Олон нийтийн радио телевизийн Удирдах зөвлөлийг хүлээн зөвшөөрөх асуудлыг хэлэлцээд хаврын чуулган хаалтаа хийж магадгүй болоод байгааг гишүүддээ хэлсэн. Ер нь эл өдөр МАХН-ын гишүүд хэсэг бүлгээрээ нэгнийхээ өрөөнд цуглан хэнийг дэмжихээ ярилцаж байгаа дуулдав. Хууль зүйн сайдаар гишүүн Д.Одхүүгийн нэр хүчтэй яригдаж түүний оронд байнгын хорооны даргаар хэнийг тавихаа ярилцаж байгаа сураг ч гарсан. МАХН-ын гишүүд хууль зүйн сайдаа томилоод эл өдөр чуулганы хуралдааныг завсарлуулахаар төлөвлөөд байсан бололтой. Гэвч гишүүдийн ирц бүрдээгүйгээс чуулганы хуралдааныг ирэх долоо хоног буюу 7-р сарын14-15-нд хуралдаж эдгээр асуудлыг эцэслээд завсарлахаар болов. УИХ дахь 62-ын бүлгийн экс эвслийн гишүүдийг удтал хүлээж эцэст нь ирэх долоо хоногт хуралдахаар болсны дараа УИХ-ын дарга нэгэн зүйлийг хатуу сануулсан. Энэ нь Өнөөдрийн чуулганы нэгдсэн хуралдаан цагаас өмнө завсарлалаа. УИХ дахь ганц бүлгийн дэд дарга Р.Гончигдорж нь бусад гишүүдээ уруу татан хуралдаанд оролцсонгүй. Хэрвээ ийм асуудал дахин гарвал УИХ дахь МАХН энэ 62-ын бүлэг байх эсэх асудлаа дахин ярилцах хэрэгтэй болох байх шүү. Үүнийг Д.Идэвхтэн дарга анхааралдаа аваарай хэмээн зарлигдлаа. Тэгэхлээр дахин МАХН-ын үүрэг даалгавар, тэдний тааллаас зөрөх юм бол бүлгээс гаргана гэдгээ анхааруулсан нь энэ бололтой.

Буян Жагаа МАХН-тай нэгдэхийг хүсэв.

Экс эвслийн гишүүдийг хүлээх зуур чуулганы танхимд олон яриа өрнөсөн. Зарим нь өөр хоорондоо марзагнаж байхад нөгөө хэсэг нь дараагийн улс төрийн алхмаа илэрхийлж байлаа. УИХ-д БНН-аас ганцаар сонгогдсон Б.Жаргалсайхан гишүүн 62-ын бүлэг тарах нь ойлгомжтой шүү дээ. МАХН манай намтай нэгдэж 37-ийн бүлэг байгуулья. Дээр нь ганц нэг бие даагчийг нэмээд л олонхи болчихно хэмээв. Энэ үед бие даагчдаас ганцаар байсан Я.Санжмятав гишүүн Та нар хулхин дээр цэцэг ургуулах гээд л байна уу хэмээн хариуг нь барьж харагдлаа.

М.Баатар.

2005.07.9, Өдрийн сонин