24-ний өдрийн 188 дугаартай байлаа. Тэрбээр 1 дугаартай Чингис хаан одонг сэтгүүлчдэд харуулаад Энэ одонг хоёр дахь Ерөнхийлөгч зарлиг гаргаж, гурав дахь Ерөнхийлөгч гардуулж, анхны Ерөнхийлөгч хүртэх хувь тавилантай байжээ хэмээн хуучилж суусансан. Наадмаар гардуулах учиртай болохоор зарлиг буулгасан өдрөө эзнийх нь энгэрт зүүж өгөх боломжгүй байж л дээ. Харин анхны Ерөнхийлөгч П.Очирбат одонгоо зүүгээд зарлиг гаргасан Н.Багабанди Ерөнхийлөгч, гардуулж өгсөн Н.Энхбаярт төдийгүй ардчил-лын алтан хараацайнууд, ард түмэндээ ч баярлаж буйгаа хэлсэн юм.
Төрийн дээд шагнал Чингис хаан одон 3,5 сая төгрөгийн үнэтэй, хүзүүний зүүлт маягийн хэлбэртэй лут том эд. Зарлигт дурдахдаа П.Очирбат таны Монгол Улсын анхны Ерөнхийлөгчөөр сонгогдон ажиллаж, улсынхаа тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, шинэ Үндсэн хууль боловсруулж батлуулах хүндтэй бөгөөд хариуцлагатай үүргийг нэр төртэй удирдан гүйцэтгэж, эдийн засаг, нийгмийн шинэчлэлийг өрнүүлж, эх орондоо хүмүүлэнлэг иргэний ардчилсан нийгэм цогцлоон байгуулах, үндэсний соёл уламжлалыг сэргээн хөгжүүлэх, гадаад харилцааг өртгөтгөхөд оруулсан жинтэй хувь нэмрийг үнэлж… хэмээн өгүүлжээ. Анхны Ерөнхийлөгч ийнхүү Чингис хаан одон хүртсэн анхны хүн болов. Түүний одонгийн мялаалга Улаанбаатар зочид буудалд өнөөдөр болох юм байна.

Б.ЭГШИГЛЭН
(өдрийн сонин 2005-07-14 167)