Өнгөрсөн хавар В.Путины охин хуримын цайллага хийх зоогийн газраа үзэхээр ирсэн гэнэ. Зоогийн газрын менежер ч үүнийг баталсан. Түүгээр ч барахгүй нэгэн зөөгч хуримын цайллага ямар болсон тухай нэгд нэгэнгүй ярьж өгчээ. Тhе International Herald Tribune сонины сурвалжлагч Линн Бери, Тhе Moscow Times сонины редактор нар эрэн сурвалжилж энэ тухай Америкийн нэгэн сонинд бичсэн байна.
Анх Оросын Московский комсомолец сонинд В.Путины охин хурим хийх гэж байгаа тухай бичсэн. Тэд Грекийн Star телевизээс ийм мэдээлэл авсан гэжээ. Гэхдээ Ерөнхийлөгчийн хоёр охины чухам аль нь гэдэг нь тодорхойгүй байсан гэх. Дашрамд дурдахад В.Путин хоёр охинтой. Катя, Маша хоёр нь нэг насны зөрөөтэй. Зарим мэдээллээр өдгөө 20 настай Мария Путина хуримаа хийсэн бололтой.
Санторин. арлын захирагч Ангелос Руссос ч энэ тухай сурвалжлагчид мэдэгдэж, дээд зэрэглэлийн зочид буудалд өрөө захиалсан тухай ярьж байжээ. Арлын засаг захиргааныхан ч ОХУ-ын Ерөнхийлөгчийн охин ирэх гэж байгаа тухай ярьсан байна.
Грекийн Еspresso сонинд Оросын бизнесмен энэ сарын 11-нд Санторин арал дээр тансаг хурим хийж байгаа тухай бичжээ. Гэхдээ түүний сүйт бүсгүй нь Ерөнхийлөгчийн охин биш байсан гэнэ. Тус сонинд хурим хийсэн залуу хосын зургийг Санторинд хэн хуримаа хийсэн бэ? гэсэн гарчигтайгаар нийтэлжээ.
Москвагаас хоёр онгоц Санторин арлыг зорьсны нэгийг В.Путин, нөгөөг нь Оросын бизнесмен Георгий Трефилов зочдоо хүргэхээр хөлсөлсөн байна.
Бүх юмны учрыг алдагдуулж холион бантан хутгасанд Оросын сурвалжлагчид буруутай хэмээн Грекийн сонинд бичжээ.
Сурвалжлагч Линн Бери халуун мөрөөр нь явж В.Путины охины цайллага хийх гэж байсан зоогийн газарт очсон байна. Сурвалжлагчид хуримын тухай мэдчихсэн тул байнга утасдаж зочдын жагсаалтад нэрээ оруулахыг хичээж байжээ. Тиймээс цайллагыг өөр зоогийн газарт хийхээр болж энэ тухайгаа чандлан нууцалсан гэнэ. В.Путины охин энэ арал дээр хуримлаагүй хэмээн үгүйсгэж байгаа аж. Гэвч үнэн хэрэгтээ гэр бүлээ батлуулж цайллага хийсэн хэмээн сурвалжлагч Линн Бери бичжээ.

Өдрийн сонин 168