Сэр Алекс Фергюсоны гараас нэгэнт алдраад байсан Дэвид Бекхэмийг Реал Мадридад зарснаар Манчестер Юнайтед багт баруун жигүүрийн хагас хамгаалагч худалдаж авах зайлшгүй шаардлага гарсан юм. Талбай дээрх тоглолт болон талбайн гаднах амьдрал, гэр бүл, гадаад төрх гээд бүхий л талаараа Англичуудын төдийгүй дэлхийн нийтийн анхаарлын төвд байдаг Бекхэмийн орны хүнээр МЮ-гийн боссууд Криштиан Роналдог сонголоо. МЮ-д элсэн, Олд траффорд-ын зүлгэн дээр гарснаар Роналдо хүссэн ч хүсээгүй ч өөрийн амар тайван чимээгүй амьдралаа алдартай оддын тансаг хэрнээ хэцүүхэн амьдралаар солихоос өөр аргагүй болсон ажгуу. Португалын Спортинг багт тоглодог авьяаслаг хөвгүүнийг дэлхийн супер клубуудын нэг МЮ 17.5 сая еврогийн гэрээгээр багтаа тоглуулах болсон юм.

Роналдог төрөлх эх орон Португалд нь шигшээ багийнхаа лидер Луиш Фигутай байнга зүйрлэж байсан бол МЮ-гийн фанатууд түүнийг багийнхаа ирээдүйн лидер хэмээн итгэл найдвараа хүлээлгэж байв. Мадейра хэмээх Португалын емнөд хэсэгт орших Атлантын далайн зах хаялгын багахан аралд бага насаа өнгерөөсен Роналдог Атлантын сувд хэмээн нэрлэх нь бий. МЮ-д дөнгеж ирээд өнгөрүүлсэн эхний хэдэн долоо хоног түүнд хэцүүхэн байсан байж болох ч өөрийн гайхамшигт авьяас, нөр их хөдөлмөр, мятрашгүй зан чанарынхаа хүчээр одоо Улаан чөтгөрүүд-ийн лидерүүдийн нэг хэдийнээ болоод байна.

Би МЮ болон Португалын шигшээгийн алинд нь ч бай бүх хүч чадлаа дайчлан, бие махбодь болоод сэтгэл санаагаа бүрэн зориулж тоглохыг хүсдэг. Хэзээ ч сэлгээнд сууж, бусдаар солигдохыг хүсдэггүй гэж тэрбээр егүүлж байна. Мөн Би өөрийгеө хэн нэгэнтэй адилтгах дургүй. Манчестерт Бекхэмийг бүгд тахин шүтдэг байсан, харин Португалд Фигуг үргэлж домог мэтээр ярьдаг. Тэглээ гээд би тэднийг дуурайх албагүй. Би Бекхэм шиг чөлөөт цохилтыг гарамгай гүйцэтгэж, Фигу шиг дриблинг хийж чадахгүй ч надад еөрийн гэсэн арга барил, тоглолтын хэв маяг байдаг. Үүгээрээ би тэднээс муугүй байж чадна. К.Роналдо хэдийгээр 20 нас дөнгөж шүргэж яваа ч олон олон хөлбөмбөгчдийн мөрөөдеж л болох нэр алдар, амжилт ялалтанд хүрчээ. Эх орондоо болсон Европын аварга шалгаруулах тэмцээнии шигшээ тоглолтонд ялагдаад эхэр татан уйлж байсан бол Английн цомын тэмцээний шигшээ тоглолтонд шийдвэрлэх гоол оруулчаад баярлан хөөрч байлаа. Хөлбөмбөг, спортод ялалт, ялагдал ээлжилж байдаг ч энэ залуу зөвхөн ялахыг л хүсдэг. Энэ улиралд түүний Ман.Юнайтед баг нь Премьер лигтээ 3-р байранд орж, Аваргуудын лиг-ийн бага шевгөес хасагдсан ч амжилт ялалтууд удахгүй ирнэ гэдэгт итгэсээр, түүндээ тэмүүлсээр л…

Түүний мөрөөдел нь дэлхийн аварга болох. Дэлхий аварга хэмээх энэ агуу том оргил өөд тэр багийнхаа хамтаар авирч л явна. 6-р сарын эхэнд Португалын шигшээ ДАШТ-ын урьдчилсан тоглолтонд Словак, Эстоныг дараалан хожсон чухал тоглолтууданд К. Роналдо туе бүрд нь гоол хийж багтаа тусалсан юм. Португалын шигшээ гэснээс тэр багийнхаа дасгалжуулагч Луис Сколарид ам сайтай байдаг бөгөөд хоорондын харилцаа нь ч дажгүй. Сколаригийн багийн амин судсыг өдгөө Фигу, Руй Кошта нар биш, харин К. Роналдо, Деку, Манише нарын залуус атгаж байна. Криштиан Роналдо хэмээх энэ гайхамшигтай, авьяаслаг залууг олон олон ялалт амжилтууд хүлээж буй биз ээ.

П.Цолмонбаатар
(спортын цонх 2005.7 сар)