Тус байнгын хороог тэргүүлдэг С.Ламбаа Нэг зүйлд талархалтай ханддаг гэлээ. Түүний цэргүүд дунд багш, эмч мэргэжилтэй хүн олон. Нийгмийн бодлого улс төржөөд байх асуудал биш гэж дарга нь хэллээ. Тиим ч учраас Байнгын хорооны хурал тасарч байсан удаагүй гэв. Энэ хугацаанд тэд 11 удаа хуралджээ. Чуулганаа завсарлуулах зорилт тавиад буй энэ үед байнгын хороод ажлаа тайлагнаж эхэллээ. Бүх ядуу өрхийн хүүхэд цалин авах болон алдар гавьяаг тус байнгын хороо ч мөн хуваалцах юм байна. Тамхины хяналтын хууль хэлэлцэн баталсан гэж С.Ламбаа бахархав. Шинэ хуулийн буянаар баар, цэнгээнии газар тамхи татахыг хориглосон гэнэ. Тамхи татдаг өрөө гаргах уу, эсвэл тамхи татахыг хориглох уу гэсэн сонголт тэдэнд тулгарах нь. Төрийн өмчийг 2005-2008 онд хувьчлах асуудлыг цэгцэлжээ. Олны анхаарал татаад байсан III эмнэлгийг ажиллагсдад нь гэрээгээр хувьчлах болсон байна.