Гэвч Цаг цагаараа байдаггүй Цахилдаг хөхөөрөө байдаггүй гэж нэг үг бий. Түүн лүгээ нэгэн адил 40, 50 мянгатын орон сууцнууд он удаан жилийн нар бороонд гандаж, салхинд элэгдэж хуучирсан дээлийн хуулга шиг болж байр сууриа шинэ үеийнхэнд тавьж өгөх болж байгаа бололтой. Түүнийг батлах нэгэн үйл явдап саяхан болжээ. Нийслэлийнхний ярьж заншсанаар УИД-ийн зүүн урд, ОХУ-ын ЭСЯ-ны баруун талын 52 дугаар байрны долоон тоотын гал тогооны тааз цөмрөн ойролцоогоор хоёр диаметрийн хэмжээний том нүх гарч төмөр дээвэр нь харагдаж байна. Таазны мод ялзарч өмхөрөн дулаалгын хучилтаа даалгүй гал тогооны ширээ шалан дээр нь унажээ.52 дугаар байр гэдэг нь 1958-1960 оны хооронд баригдаж ашиглалтад орсон дөрвөн орцтой 36 айлын орон сууц. Тухайн үед уг барилгын таазыг модоор хийж дотор талаас нь савхлаж шавардан уурын зуухны үнсээр дулаалан төмөр шувуун дээвэртэй барьсан аж. Нурсан байдлыг нь харвал модон тааз ялзарч өмхрөн шороо болсон харагдав.

Үнэхээр уг байшингийн тааз он цагийн уртад элэгдэж хар аяндаа нурж байгаа нь энэ биз. Болсон явдлын талаар тус байрны оршин суугчид Барилга хот байгуулалтын яам (БХБЯ) УМХГ-ын зохих албадад хандсан байна. БХБЯ-ны барилгын хэлтсийн мэргэжилтнүүд, УМХГын Улсын ахлах байцаагч Ш.Уранчимэг нар газар дээр нь очиж үзсэн аж. Энэ талаар УМХГ-ын ахлах байцаагч Ш.Уранчимэгээс тодруулахад Тазар дээр нь очиж үзсэн. Материалаа шинжилгээнд өгчихсөн байгаа, дүгнэлт гараагүй байна. Хуучин орон сууцнуудын таазанд гарсан хоёр дахь нуралт нь энэ гэж ярив. Тэгэхээр ийм нуралт үүнээс өмнө өөр байранд гарчээ. Хэрэв анхных бол тохиолдлынх гэж үзэхсэн. Гэтэл хоёр дахь нь юм болохоор үүнийг зайлшгүй зүйл гэж үзэхээс өөр арга алга. Харин дараагийнхыг нь хүлээж суулгүй дээрх нэр бүхий орон сууцнуудад мэргэжлийн баигууллагын үнэлэлт дүгнэлт гаргуулж нэн даруй арга хэмжээ авахгүй бол нэг хүчтэй салхинд нийслэлийн төвийн 40, 50 мянгатын хуучин байшингууд хийсч мэдэх нь ээ.

Дээр нэр дурьдсан дөчин мянгатын 52 дугаар байрны долоон тоотод эдүгээ ТӨХ-ны дарга З.Энхболдынх амьдардаг юм байна. Гэхдээ өөрийнх нь орон сууц биш гэргийнх нь төрсөн дүүгийн орон сууц ажээ.
Ардчилсан холбоо эвсэл заегийн эрхийг анх 1996 онд аваад Улсын өмч хувьчлалын комиссыг өргөтгөж ТӨХ болгон зохион байгуулахад, тус хорооны даргаар З.Энхболд томилогдсон байна. Түүний толгойлсон ТӨХ-ны хамгийн том хувьчлал нь зуун хувь төрийн өмчид байсан 100 мянган айлын орон сууцыг эзэмшиж байсан иргэдэд нь хувьчилсан явдал. Тухайн үедээ маш их эсэргүүцэлтэй тулгарч байсан ч энэ хувьчлал явагдаж иргэд захиран зарцуулах өмчтэй болсон юм. Байрыг ийнхүү хувьчилсан нь Монгол улсын банк санхүүгийн тогтолцоо эрүүлжиж хөлөө олоход том түлхээс болсон гэж олон улсын банк санхүүгийн баигууллагын мэргэжилтнүүд дүгнэсэн байдаг. Төрийн нэрийн өмнөөс түмэнд тустай олон мянган орон сууцны хувьчлал явуулсан З.Энхболд өнөөдөр тааз нь өмхөрч унасан байранд амьдарч байна. Байшин нурж эхэлсэн бол нуралт цаашаа улам нэмэгдэнэ үү гэхээс бөхжиж, бэхжихгүй нь ойлгомжтой. Энэ талаар тус байрны оршин суугчдын төлөөлөгчид БХБЯ-ныхан болон мэргэжилтнүүдтэй санал солилцжээ. Харин БХБЯ мэргэжлийн баигууллагын хувьд 52 дугаар байрны буйран дээр Засгийн газрын 40 мянган айлын орон сууц хөтөлбөрийн хүрээнд найман давхар орон сууц барья. Тэндээс та бүхний амьдарч байгаа байрны ам метрт ямар нэг өөрчлөлт оруулалгүй эргүүлж олгож болох юм гэсэн байна. Тухайлбал одоо тус байранд амьдарч байгаа айлын талбай шинэ орон сууцанд хуучин янзаараа хадгапагдана. Нэг үгээр хэлбэл 11 байх юм байна. БХБЯны энэ саналыг оршин суугчид хүлээн авах юм бол тэр орон сууцыг баригдаж дуусах нэг жилийн хугацаанд тэд өөр газар байр түрээслэхэд хүрнэ. Үүнийг шийдэж
чадаж гэмээ нь одоогийн хуучин байшингаа шинэ орон сууцаар солих боломж хамгийн түрүүнд энэ өрхүүдэд олдох болно. Энэ боломжийг ч тэд алдахгүй биз. Алдаад ч хэрэггүй шүү дээ. Ийм нөхцөлд Засгийн газрын 40 мянган айлын орон сууц хөтөлбөрийн анхны найман давхар орон сууц дөчин мянгатын 52 дугаар байрны буйран дээр сүндэрлэх болно. Тэгээд ч 40, 50 мянгатын орон сууцууд маань голцуу 34 давхар байдаг. Тэдний суурин дээр 810 давхар шинэ барилга баривал түүнээс олон хүн энэ хүрээнд амьдрах болно. Иймд Засгийн газрын 40 мянган орон сууцны хөтөлбөр 40 мянгатаас эхлэх бүрэн боломжтой.

Г.ЭРДЭНЭБАТ (Өдрийн сонин 170)