Тиймээс цусан суулгаас урьдчилан сэргийлэхийн тулд бие засах газар, муу усны цооногийг тогтмол халдваргүйжүүлэх хэрэгтэй. Ялаа, жоом нь өвчин дамжуулагч болдог. Иймээс хоол хүнсээ бэлтгэх, бие зассаны дараа, хооллохын өмнө гараа сайтар угааж занших. Мөн жимс ногоог угааж, зөв хадгапж бүрэн боловсруулж хэрэглэхийг анхааруулж байна. Ундны усыг буцалгах, ус хадгалдаг саваа байнга угааж цэвэрлэх хэрэгтэй. Ер нь цусан суулга өвчин гэдэсний нянгаас үүсдэг. Бохир гар, бохирлогдсон ус, хөрс, хүнсний бүтээгдэхүүнээр дамжин халдварладаг.Мөн сүүлийн хэдэн өдөр нийслэл хотод хэт их халж буйгаас нарны хордлого авсан хүмүүс ихсчээ. Зөвхөн нэг өдөр 103 яаралтай түргэн тусламжийн төвд нийт 357 дуудлага ирсний дийлэнх хувийг нь нарны хордлого эзэлж байгаа аж. Иймээс наршилтаас урьдчилан сэргийлэхийн тулд нарны хаалт, малгай хэрэглэх нь тохиромжтой. Мөн онцын шаардлагагүй үед аль болох гэрээсээ гарахгүй байх. Бага насны хүүхдүүдийг өдрийн 1216 цагийн үед гадаа гаргахгүй байвал сайн. Бас даралт ихэсдэг хүмүүс сэрүүн сүүдэртэй газар бараадах шаардлагатай ажээ. Наршсан тохиолдолд хүйтэн усаар биеийг нь угааж, толгой дээр нь жин тавьж, ойр ойрхон буцалсан ус уулгах хэрэгтэйг эмч нар зөвлөж байна

Э.УЧРАЛ (Өдрийн сонин 171)