нэр дэвшүүлэх эрхээ эдлэх, санал бодлоо илэрхийлэхийг хүссэн иргэд бидэнд хандах болов. Төр эрх судлаач, Н.Баасанжав тэдний нэг юм. Тэрээр Олон нийтийн радио, телевизийн үндэсний зөвлөлд нэр дэвшигчийг сонгон шалгаруулах журмын төсөл хүртэл боловсруулжээ.

-Ингэхэд та үндэсний зөвлөлд нэр дэвшигчдэд сэтгэл дундуур үлдсэн хэрэг үү?
-Дундуур байлгүй яах вэ дээ. Дундуураар барахгүй ёроолоор байна.Үйлдвэрчний байгууллагын дарга Н.Содномдоржийн нэр эдний дотор байна. Би өөрөө түүнд улайм цайм хэлсэн юм. Та УИХ-ын гишүүн байсан хүн мэдэж байгаа. ТББ-ын хуулиар та энд орох ёсгүи хүн гэсэн чинь Өө, би Дээд шүүхээр тайлбар гаргуулна гэсэн. Тэгээд таг чиг. ТББ-ын хуульд шашны байгууллага, үйлдвэрчний эвлэл, сүм хийд төрийн буе байгууллагад хамаарахгүй гэж заасан байдаг шүү дээ. Олон нийтийн радио, телевиз (ОНРТВ)-ийн хуулийн 21-р зүйлийн 6-д Үндэсний зөвлөлийн бүрэлдэхүүнд түүх уламжлал, ёс заншил, соёл урлаг, утга зохиол, шинжлэх ухааны чиглэлээр үйл ажиллагаа явуулдаг ТББ-ууд нэр дэвшүүлэх эрхтэй гэж заасан байхад энд хүүхэд залуучууд, ахмадын зэрэг аль чиглэлээр ажилладаг бай хамаагүй өөрсдөө сонгож, албан бичиг бичээд нэр дэвшүүлж болохоор журам баталсан нь ОНРТВ-ийн хуулийн заалтыг бүхэлд нь зөрчиж байна. Хууль хэрэжүүлэх журам батлах ёстой байтал ТББ-ууд нийлээд хуулиа зөрчсөн журам баталж болохгүй шүү дээ. Үндсэн хуулийн 14 дүгээр зүйлд
хүнийг боловсролоор нь ялгаж болохгүй гэж заасан байхад энэ журамд бага дунд боловсролтой хүн нэр дэвшүүлж болохгүй болгосон байх юм. Энэ ТББ-уудын хурал, яриа Хэвлэлийн хүрээлэнд болоход би оролцож байсан. Эхний удаа дөчөөд хүн, дараагийн удаа жар далаад хүн цугласан юм. Та бүхний бодлого зөв байна. Та нарт Радио, телевизийн хууль хэрэгжүүлэх журам боловсруулж өгье гэж тэдэнд хэлээд, журам боловсруулж өгсөн. Тэр журмыг минь шал ондоогоор хийгээд, өөрсдөдөө тохируулсан журам баталсан байна лээ. Энэ журам нь дээр хэлсэн гурван хуулийг зөрчсөн байгаа юм.

-Яагаад таны боловсруулсан журмыг тэд авах ёстой гэж. Хэдийгээр та хуульч байлаа ч зөвхөн нэг хүний санаагаар боловсруулсан журмын оронд олонхийн санаа бодлыг тусгасан нь хэрэгтэй байсан юм биш үү?
-Би олон нийтийн ашиг сонирхлыг тусгасан. Саин үйлс ТББ, Шинжлэх ухаан үйлдвэрлэлийн Биос ТББ, Бүрнээ сан ТББ-аас хамтарч боловсруулсан юм шүү дээ. Дээр өгүүлсэн гурван хуулийг зөрчөөгүй. Хууль зүйн стандартыг дагасан. Гэтэл тэдний журам хувийн сонирхол дагасан болохоос хууль зүйн стандарт мөрдөөгүй.

-Таны бодлоор бол үндэсний зөвлөлд ямар хүн сонгогдох ёстой вэ?
-Радио телевизийн хууль уншсан, түүнийг хэрэгжүүлэх санаачилгатай хүн сонгогдох ёстой.

-Та нар Үндэсний зөвлөлд нэр дэвшүүлэх үү?
-Үндэсний зөвлөл бий болоод даргаа сонгоод, Олон нийтийн радио телевизийн даргыг томилох ёстой. Тэр үсэр нь ямар нэг хэмжээгээр оролцох бодолтой байгаа.

Б.ЭГШИГ
(өдрийн сонин 2005-07-19 171)