Учир нь энэхүү тоолуур нь электрон бүтэцтэй, дотроо он, сар, өдрийн хуанлитай учир танай гэр бүлийн хэрэглэж буй цахилгаан эрчим хүчийг цагаар ялган тоолдог давуу талтай. Энэ нь манай улс шиг эрчим хүчний төлбөрийг ялгавартай тарифаар тооцдог хэрэглэгчдийн хувьд цахилгааны зардлаа хэмнэх нэг боломж юм. Монгол орны хэмжээнд эрчим хүчийг энгийн ба хөнгөлөлттэй гэсэн ялгавартай тариф тогтоон, өдрийн 06-21 цаг хүртэл 1 кВ-ыг 51 төгрөгөөр, шөнийн 21-05 цагийн хооронд 1 кВ нь 51 төгрөгөөр тооцдог. Иймд тарифт тоолуур хэрэглэвэл хоногийн 9 цагийн турш хэрэглэсэн цахилгааны төлбөрөө 11 төгрөг 30 мөнгөөр тооцож төлөх юм. Судалгаагаар өрхийн нийт цахилгаан хэрэглээний 30 орчим хувийг оройн 21 цагаас хойш хэрэглэдэг нь тогтоогджээ.
Цахилгааны төлбөрөө хэрхэн хэмнэхийг Таньд жишээгээр тайлбарлая. Танай гэр бүл сард 300 кВ цахилгаан хэрэглэдэг бол сар бүр 17595 төгрөг төлнө. Оройн 21 цагаас хойш нийт цахилгаан хэрэглээний 30 хувийг хэрэглэдэг гэвэл Та нийт 90 кВ цахилгааныг 11.30 төгрөгөөр тооцох тул 4108 төгрөг хэмнэж байна. Өрөөр хэлбэл цахилгааны төлбөрөө сар бүр 23 хувиар хэмнэлээ гэсэн үг.

Yүнээс ч илүү хөнгөлөх боломж бий. Өрхийн цахилгаан хэрэглээний дийлэнх хэсгийг индүү, тоос сорогч, угаалгын машин, цахилгаан зуух зэрэг цахилгаан хэрэгслүүд зарцуулдаг байна. Тиймээс Та оройн 21 цагаас хойш дээрхи цахилгаан хэрэгслүүдээ ашиглан цахилгааны зардлаа 50 хувь хэмнэх боломжтой. Та туршаад үзээрэй.

Тарифт тоолуур нь дээрх хэмнэлтийг гaргаад зогсохгүй. Сүүлийн үед бий болсон шинэ хэрэглээ болох шөнийн хямд тарифыг ашиглан байраа цахилгаанаар халаах явдал юм. Энэ нь нийтийн төвлөрсөн халаалтанд холбогдоогүй айл өрх болон байгууллагуудад ашигтай. Мөн сүүлийн үед нийслэлчүүдийн бухимдлыг төрүүлэх болсон агаарын бохирдлоос тодорхой хэмжээгээр сэргийлэх сайн талтай. Учир нь шөнийн цагаар заавал нүүрс түлэхгүйгээр хямд тарифтай цахилгаан ашиглан цахилгаан халаагуураар байр сууцаа халаах нь эрүүл мэндэд хоргүй, мөн санхүүгийн хувьд ч хэмнэлт гаргаж чадах сүүлийн үеийн соёлтой хэрэглээ болоод байна.

Olloo.mn