Энэ ч утгаараа энэхүү бизнесийг эрхлэгчдэд үзүүлэх хөнгөлөлт, тэднийг дэмжсэн үйл ажиллагаа урьд урьдынхаас эрчимжсэн нь мэдээлэл хүлээн авдаг хэн хүний нүдэнд ил буй биз ээ. 2005 оныг ийнхүү бичил санхүү, жижиг бизнесийг дэмжих жил болгон зарласантай холбоотойгоор сар бүр бичил санхүү, жижиг бизнесийн салбарт үнэтэй хувь нэмэр оруулсан хүмүүсийг шагнаж урамшуулдаг уламжлалыг хүртэл тогтоосон нь энэ салбарыг дэмжихэд хувь нэмэр оруулагчдын тоо өссөнтэй зайлшгүй холбоотой нь ойлгомжтой. Бичил санхүү, жижиг бизнесийн Yндэсний хорооны дарга нь УИХ-ын гишүүн Г.Занданшатар. Тэрээр дээрх хүндтэй шагналыг Yйлдвэр худалдааны сайд С.Батболдод гардуулан өглөө. Yндэсний хорооны дарга энэхүү шагналаа сайдад өгөх болсон шалтгаанаа тайлбарлахдаа дээрх төрлийн бизнес эрхлэгчдэд байнга дэмжлэг үзүүлж ирсэн хэмээгээд хамгийн гол нь монголд үйлдвэрлэсэн бараа бүтээгдхүүнийг Европын зах зээлд ямар нэгэн татваргүйгээр гаргахад голлох үүрэг гүйцэтгэн, амжилттай шийдвэрлэсэн гэлээ. Yнэхээр ч энэ нь нүдээ олсон шагнал болсон гэдэгтэй бизнес эрхлэгчид төдийгүй хэрэглэгчид санал нэгтэй байна.