Спирт панкреат шүүсний ялгарлыг нэмэгдүүлэхийн зэрэгцээ ходоод бас 12 нугалаа гэдэсний салслагийг цочроож, хавдар, үрэвсэл үүсгэдэг. Улмаар нойр булчирхайн цоргыг бөглөх аюултай. Өөх тос ихтэй, шарсан хоолыг их хэмжээгээр хэрэглэвэл мөн хоол боловсруулах шүүс их ялгардаг. Ийм учраас дарсан өргөст хэмх, мөөг, махан ба загасан лаазалсан нөөш, өтгөн, тостой шөл, утсан хүнс, исгэлэн шүүс өвчнийг хурцаддаг.
Нойр булчирхайн үрэвсэл үүсгэдэг хүчин зүйлст мөн замбараагүй хооллолт, дан нэг төрлийн хоол идэх, хоолоо сайн зажлахгүй байх зэрэг хамаарна. Зарим өдрийн турш цай, хачиртай талх идээд, орой гэнэт хоол иддэг, гэтэл их хэмжээний хоол 12 нугалаа гэдэсний хананд дарж, хоол боловсруулах шүүс орох зайгүй болгодог, тэгээд ферментүүд нойр булчирхайд хуримтлагдаж , түүнийг үрэвсүүлдэг. Дан нэг төрлийн хоол идэж турах аргыг хэрэглэх нь хортой. Яагаад гэвэл нойр булчирхай гурван төрлийн фермент ялгаруулдаг уураг, өөх тос, нүүрс усыг боловсруулах ферментүүд. Дээрх аргаар хоолны дэглэм баримталж, дан нэг төрлийн хоол идэх үед ганцхан фермент ялгардаг. Иймээс нойр булчирхай хэвийн ажиллахгүй.
Заримдаа өөр бусад өвчин жишээлбэл цөсний чулуу, холесцистит, шар өвчин, ститросклероз, таргалалт, дисбактерроз зэргээс болоод нойр булчирхай үрэвсдэг. Ялангуяа элэг, цөсний чулуу, элэгний цорго үрэвсэх, зэрэг нь маш аюултай. Учир нь 12 нугалаа гэдэс рүү очих ёстой цөс ба хоол боловсруулах шүүсний хаалгыг болгодог. Энэ үед нойр булчирхай хэвийн хэмжээгээр хоол боловсруулах шүүсээ ялгаруулсааар байдаг. Харин шүүс цааш урсдаггүй. Нойр булчирхайн цоргууд томорч, ферментүүд булчирхайгаа идэж эхэлдэг.
Хоолны халдвар, гэдэсний шимэгчид зэргээс болж нойр булчирхайн үрэвсэл үүсэх тохиолдол бий. Мөн зарим нэг эм сульфаниламид, антоцид, шээс хөөх гэдэс гүйлгэх, стероид бус үрэвслийн эс эмүүдийг замбараагүй хэрэглэвэл нойр булчирхайд сөргөөр нөлөөлж үрэвсүүлж болзошгүй.

/2005.07 Хань/