Мөн бэлгийн замын халдварт өвчин, вирусын өвчтэй хүмүүс орно. 30 наснаас дээш анх төрвөл мөн эрсдэлтэй. Түүнээс гадна умайн төрөлхийн гаж согог, чихрийн шижин, бамбай булчирхайн өвчлөл, сарын мөчлөг алдагдах зэрэг олон хүчин зүйл эрсдэлтэйд тооцогддог.

-Анхны үр маань умайдаа хөгжил нь зогссон учраас авахуулсан. Одоо би хэзээ жирэмсэлбэл эрүүл хүүхэд төрүүлэх вэ?
-Та жилийн дараа хүүхэдтэй болохоор төлөвлөөрэй. Энэ хугацаанд та шаардлагатай судалгаа шинжилгээ өгч, өмнөх жирэмслэлтийн бүтээгүй шалтгааныг тодруулж амжина. Хэрэв та нас явах гээд хүлээж чадахгүй бол ядаж 3-4 сар хүлээгээд жирэмслээрэй.

-Өр хөврөлийн өсөлт зогссоныг өөрөө мэдэж, анзаарч болох уу?
-Эхний үед энэ боломжгүй. 18-20 долоо хоногтой үед хэрэв гэдэс томрохгүй, хүүхэд хөдлөхөөбайвал сэжигтэй гэсэн үг. Гэхдээ хүүхэд заримдаа хоногийн турш хөдлөхгүй байж болохыг анхаараарай

-Хоёр удаа жирэмсэлсэн ч үр хөврөлийн хөгжил зогссон учраас авахуулсан. Одоо нөхөр бид хоёр ямар шинжилгээ өгч, юу хийх шаардлагатай вэ? Бид эрүүл хүүхэдтэй болох найдвараа тээсээр явна.
-Далд өвчнийг илрүүлэх шинжилгээ өгч, хэрэв өвчин илэрвэл хоёулаа эмчлүүл. Бие махбодийн согог, гажиг байж болзошгүй, иймээс бага таазыг ЭХО-д шинжлүүлж, мөн гистеро сальгингографи хийлгээрэй. Энэ үед умайн хүзүүний сувгаар тусгай шингэн хийж шинжилдэг. Түүнээс гадна эндокринолог шинжилгээ өгч, бөх дааврууд хэвийн ялгарч байгаа эсэхийг тогтооно. Мөн цусны шинжилгээ өгнө.

-Би гурван удаа үр хөндүүлсэн. Гэтэл хоёр удаа дараа нь үр зулбасан. Эмч надад үр хөндөлтөөс болоод үр зулбасан гэсэн. Тийм үү?
-Тиймээ, үр хөндөлт дараагийн жирэмслэлтэд нөлөөлдөг. Абортын үед умайн хүзүүий булчингуудын ширхэг гэмтэж том сорви үлдсэн бол дараа нь үр хөврөл умайд бэхлэгдэж тогтоход хүндрэл үүсдэг.

2005.07.18, Хань