Иймээс астамтай хүмүүс гэрээс гарахдаа маш энгийн дүрмийг баримтлах ёстой. Ам хамраа дулаан ороолтоор таглаж, зөвхөн хамраар амьсгалах хэрэгтэй. Хамрын нүхээр орсон агаар дороо бүлээсч, уушигт бүлээн агаар очдог тул өвчин хурцдах гол нөхцөл арилдаг. Хэрэв энэ арга тус болохгүй бол беротек, салбутамол, тербутамин хэрэглэнэ.
Эдгээр нь хоолой боогдох үед төдийгүй, урьдчилан сэргийлэх зорилгоор хэрэглэж болно. Ийм учраас гадаа гарахаас 15-20 минутын өмнө хэрэглээрэй.
Ингаляторыг зөв хэрэглэх хэрэгтэй, эмтэй савыг хэдэн удаа хүчтэй сэгсэрнэ, амьсгалаа огцом гаргана. Толгой гэдийлгэн саваа сайн үмхэж, гүн амьсгаа авангаа шүршигч дээр дарна. Хэрэв зөв цацвал амьсгалын зам, мөгөөрс рүү эм хүрч, хурдан үйлчилнэ. Хэрэв буруу цацвал эм эхлээд цусанд шингэж, дараа нь уушгиар дамжиж мөгөөрс тэлдэг учраас хэдэн минут хүлээх хэрэгтэй болно.
Хэрэв гадаа хүйтэн үед хоолой боогдох гээд байвал эхлээд дулаан байранд орж байж, ингалятороо хэрэглээрэй. Нэг удаа амьсгал авахдаа нэг л тун эм хэрэглэнэ гэдгийг анхаар. Хэрэв эмч хоёр тун хэрэглэ гэвэл хоёр удаа амьсгал авч авах бүртээ эмээ цацна.
Астмтай хүмүүс ханиад томуу амархан тусдаг. Иймээс биеийн дархлаагаа сайжруул, витамины комплекс, мөн эхиналцеин хандыг өдөрт 20 дусал уу.
Мөн NРС-19-г хэрэглэж болно. Энэ бол хамрын спрей, урьдчилан сэргийлэх зорилгоор өдөр хоёр удаа эмчлэхэд өдөрт 3-5 удаа хэрэглэнэ. Харин жирэмсэн хөхүүл эхчүүд хэрэглэж болохгүй. Ханиад томуунаас сэргийлж Рибомунил ууж болно.
Астмтай хүмүүст үлээгч сэнс, халаагуур сөрөг нөлөөтэй, агаарын дулаан урсгал өрөөний тоосыг нэмэгдүүлдэг. Иймээс тосон халаагуур худалдаж авсан нь дээр. Хуурай агаарт тоос, тоосонцор, бактери ихсэж уушги гэмтдэг. Иймээс өрөөгөө чийгшүүлэх шаардлагатай. Астм өвчтэй хүмүүст өрөөний чийгшүүлэлт 55-60 хувь байвал тохиромжтой.

2005.07. Хань