Онигоог Монголд яаж хийх вэ? гэсэн санааг бодож дүрсжүүлэн хийе гэж сэтгэн хийх болжээ.
Яагаад Нот чинжүү гэж нэрлэх болсон бэ? гэхлээр Анх мэргэжлийн жүжигчний уран бүтээлийн гараагаа содон эхлье гэж бодсоны үндсэн дээр тэгж нэрлэж байжээ.
Уран бүтээл хийх явцдаа хамтлагийн Цоомоо, Аюуш, Өөскө гурав санаа нийлж цаашид биеэ даан шинэ дэвшилт хийн ажиллах эрч хүчээр ТВ коктелийг байгуулан ажиллаж байна. Цаашид энэ нэрээрээ байх бөгөөд манай хошин урлагт шинэлэг зүйлээр орж ирсэн залуу уран бүтээлчид юм.
Хамтлагаа яагаад Нот чинжүү, ТВ Коктел гэж дандаа хоолны нэрээр нэрлэдэг юм бэ? гэхэд Анх нэрнээсээ эхлэн хүмүүст хүрч байсан учраас тэгж нэрлэсэн.
Коктелийг олон төрлийн жимсээр хийдэг шиг ТВ коктел гэвэл янз бүрийн юмны цуглуулга гэсэн үг. Бид нар телевиз болон бусад бүх төрлөөр уран бүтээл хийн ажиллах учраас ингэж нэрлэсэн гэж байлаа. Тэд удахгүй шинэ CD-DҮD- гээ гарган бас тоглолтоо хийхээр эрч хүчтэй шаргуу ажиллаж байна.

Хамтлагийн гишүүн Цолмонбаяр

ОвогЭнхбаатар
Нэр Цолмонбаяр
ХоббиСагс тоглож, билльярд тоглох
Сонсох дуртай хатлаг Камертон, Guys666 гэхдээ стиль хамаарахгүй шүү
Дуртай дуу Морьтой ч болоосой киноны дуу-Хайрыг минь булаасан
хайртай хонгор….. Сүүийн үед Guys-ын Би зүрхэндээг их
дуулдаг болоод байгаа
Хүндэлдэг дуучин Сараа эгч, Гантулга ах хоёрыг хүндэлдэг их чадалтай хоолойтой
Хүндэлдэг жүжигчин Бооёо ах миний хуурай ах
Сонирхол Хошин зохиол бичих дуртай
Хийх дуртай юм Одоо хийж байгаа юмандаа л их дуртай, бас унтах дуртай
намайг ямар унтдагийг манайхан мэднэ ээ
Хийх дургүй юм Өөрт таалагдаагүй дүрдээ тоглох дургүй, хувцас угаах ,
гэр цэвэрлэх маш дургүй

Цоомоогийн бага нас яаж өнгөрөв?
5-р ангиасаа их өөрчлөгдсөн. Сурлагатай, дуугүй ноомой хүүхэд байснаа шал өөр хүн болсон доо.Яривал их түүх бий.

Ярь л даа хүмүүст сонирхолтой байна?
5-р ангид сургуулийнхаа шинэ жилээр алиалагч болоод бүх хүмүүс сууж байхад өвгөн ааваас өмнө алиалагч нь хамгийн түрүүнд гэнэт орж ирээд хүмүүсийг цочоодог доо би яг тэгэх гээд гар дээрээ эргэж орж ирээд голд очоод босоод гараа дэлгээд инээгээд юм хэлэх
ёстой байсан чинь баахан хүмүүс хараад сандраад хэлэх үгээ мартчихаад хэсэг байж байснаа доошоо суугаад уйлчихсан.Тэгтэл манай ах ирээд намайг тэвэрч аваад гарч явсан. Тэрнээс хойш дахиж хэзээ ч сургуулийн урлагийн арга хэмжээнд орохгүй гэж бодсон. Эхэндээ хүчээр урлагийн үзлэгт ордог боллоо нилээн хэд ороод ирсэн чинь сонирхоод сүүлдээ хичээлээ хаяад олон нийтийн ажил ,урлагийн үзлэг энэ тэр гээд л явдаг болсон.

Tэгж явахдаа том болоод урлагийн хүн болно гэх бодол төрж байв уу?
Yгүй ээ. Харин 9-р ангид байхдаа бодсон. Бооёо ах бид хоёр чинь хуурай ах дүүс л дээ. Тэгээд Бооёо ахыг харж байхад олны танил хүмүүсээр хүрээлүүлээд хүмүүст хүндлүүлээд их гоё харагддаг байсан. Тэгээд ах шигээ урлагийн хүн болно гэж бодож эхэлсэн.

Тэгээд урлагийн сургуульд орохоор шийдсэн үү?
Их юм болсон.Дунд сургуулиа төгс үедээ сургуулиуд судлаж эхэлсэн.
ХААИС,Академ гээд баахан сургууль биччихээд л за Академд ороод туранхай цэрэг болно тэнцэхгүй, математикийн сургууль дандаа тоо бодно энэ ийм тэр нь тийм гээд эхнээс нь хассаар байгаад хоёрхон сургууль үлдэв ээ.Тамирын дээд, СУИС хоёр. Тамирын дээдэд тэнцэхгүй нь мэдээж шүү дээ.хэ хэ хэ.Тэгээд СУИС-д өгөөд тэнцээд орсон.

Оюутан болоод тоглосон анхны дүрийнхээ тухай яриач?
Бид нар байнга зохиол дээр ажиллаж этюд, отрывка хийдэг байсан. Гэхдээ анх тоглож байсан Түмэнбаярын Мэргэнд буусан чоно зохиолын цэрэг хүүгийн дүрд тоглож байсан тэр дүрдээ их хайртай. Цэргийн албанаас оргон гэртээ ээж аав дээрээ ирээд явж байгаа тухай гардаг. Их сайхан дүр дээ.

Оюутай байхад хөгтөй явдлууд их байдаг ялангуяа жүжигчин мэргэжлээр сурч байгаа оюутнуудын дунд алхам дутамд гарна биз?
Оюутан байхад их хөөрдөг байж ангиараа бэлтгэл энэ тэр хийгээд жүжгийнхээ хувцасыг өмсчихөөд тэрийгээ тайлалгүй онгироод сургуулийнхаа кордиороор их пээдгэр алхана өө.Тэгээд л сургуулийнхаа хавь ойрын газруудаар ороод явдаг байснаа бодохоор ичмээр шүү

Сэтгэлд чинь үлдсэн хамгийн инээдтэй зүйл?
Нэг охинтой үерхэдэг байлаа. Тэгээд тэрэнтэйгээ уулзчихаад орж ирээд унтдаг юм байна. Шөнө нэг сэрсэн чинь миний хажууд орон дээр цаашаа харчихсан задгай үстэй эмэгтэй хүн хэвтэж байна. Би гайхаад бас жоохон сандраад хэсэг байж байгаад хэдийдээ ороод ирсэн юм бол гэж бодоод за за дүүрсэн хэрэг гээд тэврээд унтаад өгөв. Тэгсэн шөнө би хүзүүн дээр нь үнсээд илээд байсан гэсэн. Өглөө босоод ирсэн чинь би ганцаараа унтаж байна. Арай зүүдэлсэн юм биш байгаа мангар юм гэж бодоод гал тогооныхоо өрөөнд орсон чинь ээжтэй хамт найз нь сууж байдаг байгаа. Дотор хачин болоод л явчихсан хамаг хөлс цуваад улайгаад үхтлээ ичсэн гэхдээ ээжийн найз маань намайг бага байхад манайхар байнга ирдэг байсан болохоор намайг явуулаад үхтэл ичээж байсан даа. Тэрийг бодохоор үхтлээ инээдэг.

Цоомоо ууртай үедээ ямар байдаг вэ?
Уурлахаараа түнтийгээд дуугархаа болиод хэнтэй ч юу ч ярихаа больдог.
Улайгад л суучхина даа

Ямар охидууд сүүлийн үед нүдэнд чинь их тусч байна?
Өчигдөр нэг энгийн охин харсан. Тэр байгаа байдал нь надад их таалагдсан шүү.
Даанч машинтайгаа явж байсан болохоор. (инээв)
Надаа үсээ будаагүй өөрийнхөөрөө үстэй. Уртдуу шулуун үстэй даруухан энгийн охидууд таалагддаг.

Хамгийн сүүлд танд юу шал сонин санагдав?
Хурдын тоглолт үзээд явж байсан чинь нэг ах ирээд -Хөөх Цоомоо чи шүү гээд ирээд тэвэрч аваад учиргүй баяр хүргээд ах нь чамайг дэмждэг шүү. Та нар шүү гээд хажууд зогсоод янз бүрийн юм яраиад байхаар нь холдсон чинь дагаад яваад байдаг юм байна.Тэгээд тоглолт тараад таксинд суусан чинь дагаад суучихлаа. Дагаж явсаар байгаад намайг буусан чинь дагаж буугаад ах нь нэг юм гуйя ахыгаа телевизээр ганц удаа гаргаад өгчих тэгэх үү? гэдэг байгаа тэгснээ мөнгө төгрөгийг нь хангалттай өгье гээд шал сонин санагдсан.

Xоёулаа уран бүтээл рүү чинь орьё. Хийх гэж байгаа зүйлийнхээ санааг яаж олдог вэ?
Бүгдээрээ нийлж суугаад баахан онигоонууд энд тэндээс цуглуулаад. За энийг ингээд хийчихвэл хүмүүст хүрнэ гээд л ярьж алдана даа.
Эсвэл нэг охин банди хоёр байж байлаа. Тэгээд цаашаа яах уу гээд л зохиож өгнө дөө.

Эфирээр гардаг байхад юу нь хэцүү вэ?
Телевизээр гараад байхаар гадуур явахаар их хэцүү хүмүүсийн нүдэнд өртөөд хэцүү байдаг. Нийтийн унаанд суугаад явж байхаар энэ тэндээс шивэр авир гээд чанга чанга юм яриад эвгүй байдаг. Манайхан нот чинжүүг хийдэг байхад алсын хаараатай амьдрья булангаар айлуудаар явж эсвэл янз бүрийн хүмүүст тусламж өгдөг байсан. Тэгсэн нэг өдөр Аюуш бид хоёр микро автобусанд суугаад явж байсан чинь хажууд байсан машин дотроос нэг ах цонх балбаад гараа сарвалзуулаад эрхий хуруугаа гозойлгож байснаа буугаад микроны хаалган дээр ирснээ сайн уу алсын хараатай бандиа ахдаа 100 төгрөг өгчих гэдэг байгаа. Аюуш малгайгаа өмсөөд нүдний шилээ зүүчихсэн байсан гэх мэт зөндөө юмнууд тохиолддог юм аа.

За та бүхэнд уран бүтээлийн өндөр амжилт хүсье. Цаашдаа олон сонирхолтой нэвтрүүлгүүд хийгээрээ.
Баярлалаа. Olloo

Я.Одгэрэл /Olloo.mn/