Элэг, бяслаг, загас, өндөг, сүү, шар лууван, цөцгий, ургамлын ба цөцгийн тос, халгай, халиар, ногоон сонгино, өргөст хэмх, амтат чинжүү, хулуу, хөмүүл, чацаргана, нохойн хошуу, жүрж, гадил гэх мэт нь А аминдэмээр баялаг.
Хүүхдийг жил бүрийн тав, арваннэгдүгээр сард явагддаг А аминдэмжүүлэлтэнд заавал хамруулах ёстой. Энэ аминдэмийг хэрэглэснээр биеийн эсэргүүцлийг сайжруулж. өвчинд өртөх нь багасна. Өсөлт хөгжлийг нэмэгдүүлнэ. Хурц харах чадварыг сайжруулна, арьс салстын бүрэн бүтэн байдлыг хангана. Мөн цус багадалтаас сэргийлж, хавдар, болон ДОХ-ын халдвараас сэргийлдэг. Энэхүү витамины дутагдалд ихэвчлэн 0-оос таван насны хүүхэд, хөхүүл эхчүүд болон улаан бурхан, салхин цэцэг, суулгалт, амьсгалын замын халдварт өвчнөөр өвчилсөн, мөн уураг илчлэгийн дуталд орсон хүүхдүүд их өртдөг байна.
Дутлын үед арьс хуурайших, өвдөг тохой арзгар ширүүн болох, үс хугарч, өнгөө алдан хуурайшин салаалах, хумс салаалж хугарах, ам хатах, уруул хагарах, цус багадалт /толгой эргэх, хумсны толио болон нүдний салст бүрхэвч цайх, нүд харанхуйлах/ зэрэг шинж тэмдэг илэрнэ. Бүр даамжирвал шөнө юм харж чадахгүй болдог. Нүдэнд өөхлөг маягийн гялтганасан толбо үүсч салст болон эвэрлэг бүрхэвч хуурайшиж, шархлан улмаар хараагүй болох аюултай юм байна.

Э.УЧРАЛ (Өдрийн сонин172)