СЕХ-ны тогтоолоор УИХ-ын сонгуулийн 65 дугаар тойргийн хорооны бүрэлдэхүүнд МАХН болон Ардчилсан Намын тус бүр гурав, ИЗ-БНН болон БНН-аас тус бүр нэг, нам бус гурван хүнийг томилсон. Хэрвээ уншигч та анзаарвал энд УИХ-д төлөөлөл, суудал бүхий улс төрийн таван намаас Эх орон намыг оролцуулаагүй байна. Парламентад долоон суудал бүхий бүхэл бүтэн намыг шүү. Энд эндүүрэл болов уу, эсвэл тус намыг СЕХ хаяж гээв үү гэдэг асуулт нээлттэй хэвээр үлдлээ. Эсвэл улс төрийн хүчнүүд Эх орон намаас эмээв үү, аль эсвэл тус намыг сонгуулийн тойргийн бүрэлдэхүүнээс цаанаасаа зохион байгуулалттайгаар, мэдэн будилан шахав уу гэх мэтээр асуулт ар араасаа хөвөрсөөр байнам. Цуварсан эдгээр асуултад СЕХ одоогоор тоймтой хариу хэлээгүй байна.

Б.БОЛД
(өдрийн сонин 2005-07-20 172)