Мэргэшсэн мэргэжлийн төрийн албан хаагчидыг нам эвсэл, хувийн эрх ашиг сонирхолд нийцүүлэн халаа сэлгээний хийж эхэлсэн нь олон хүний дургүйцлийг төрүүлж байгаа билээ. Энэ ч байдлаас болж Ерөнхий сайдын суудал удаан үргэлжилэх үү, үгүй юу гэдэг байдал яригдаж эхлээд байгаа билээ.
Сангийн сайд Н.Алтанхуяг харьяандаа байдаг УТЕГ-ын улсын төсвийн орлого, хяналтын газрын дарга Н.Чимидийг албан тушаалаас нь халах шийдвэрийг гэнэтхэн гаргасан байна. Тэдний хэлж байгаагаар Н.Чимэд дарга нь саяхан Эрдэнэт үйлдвэрт хяналт шалгалт хийж нэлээн хэмжээний томоохон зөрчил дутагдал илрүүлсэн нь халагдах шалтгаан болсон бололтой. Хамгийн хачирхалтай нь саяхан л хээл хахуулийн хэргээр дуулиан болж улсын дайсан мэтээр шийтгэгдэж хоригдож байсан Казино-гийн Л. Байгалийг тус УТЕГ-ийн улсын төсвийн орлого, хяналтын газрын даргаар томилсон явдал юм. Мөн Казиногийн хэргээр хоригдож ял эдэлж байсан Д.Баттулга ч мөн Төрийн өмчийн Улаанбаатар цахилгаан түгээх компаний томоохон албан тушаалд очсон байна.
Энэ мэт байдлаас болоод Үндэсний татварын ерөнхий газрын хяналт шалгалтын хэлтсийн дарга А.Гансүх, Улсын мэргэжлийн хяналтын газрын Байгаль орчны хяналтын улсын албаны дарга Я.Ариунзул, Геологи уул уурхай геодези зураг зүйн албаны дарга Энхбаяр, Санхүү даатгалын хяналтын албаны дарга Довдонбалжир нарын төрийн алба хаагчид хэвлэлийн бага хурал хийлгэж ёс бусаар ямар ч үндэслэлгүй ажлаас нь халж солиж байгааг бураашааж байгаагаа мэдэгдсэн юм.
ҮТЕГ-ын хяналт шалгалтын хэлтсийн дарга А.Гансүхийн хэлж байгаагаар Наран трейд компаний захирал Л.Болдхэтийн татвараас зайлсхийсэн хэргийг нааштайгаар шийдвэрлэх хүсэлтийг хүлээж аваагүй нь ажлаас халах шалтгаан болжээ гэж мэдэгдсэн. Ийнхүү шинээр томилогдсон дарга сайд нар төрийн мэрэжсэн албан хаагчдыг дур зоргоороо халж, өөрийг нь тойрон хүрээлсэн мэргэжлийн бус хүмүүсийг ажилд томилж байна гэлээ.

Ж.Алт

/Оллоо.МН/