Өвөрхангай аймгийн Гучин-Ус сумын нутаг Хүрэн дов хэмээх газар долдугаар сарын 13-нд 80 см-ээс нэг метр хүртэл зузаантай мөндөр бууснаас нэг өрхийн 12-21 насны дөрвөн хүн өртөж сураггүй алга болсон. Алга болсон хүмүүсийг хайх ажил эрчимтэй өрнөж аймгийн онцгой байдлын хэлтэс болон Онцгой байдлын ерөнхий газрын аврах багийн 70 гаруй хүн ажилласнаар энэ сарын17-ны өдөр гурван хүүхдийн цогцсыг гаргаж авсан байна. Одоогоор нэг хүн олдоогүй байгаа аж. Мөндөр өргөнөөрөө 100-200 метрийн талбайг хамран долоон км үргэлжлэн орсон байна. Осол болсон Хүрэн дов ,Савны харз гэдэг газар холбоо нуур байдаг бөгөөд эндээс хүүхдүүдийн цогцсыг гаргаж авчээ. Нуурт 30-40 метр шуудуу татаж суваг гаргасан ч усны төвшин буурахгүй байгаа гэнэ. Энэ нь эрлийн ажилд хүндрэл учруулж байгаа бололтой. Мөн тус бүс нутагт хэт их халж бүгчим байгаагаас бүрэн хайлаагүй мөндөр лаг шавар болон урсч байгаа юм байна.

Г.Нэргүй. /2005.07. Ардын эрх/