Гэхдээ уг бодисыг Хөтөпийн үйлдвэрээс биш, харин Борнуур дахь нэгэн уурхайгаас алдсан гэнэ. Амнит нэртэй уг бодисыг уул уурхайн үндсэн орд газрууд тэсэлгээний журмаар ашигладаг юм байна. Тэсрэх дэлбэлэх, цацраг идэвхт бодисууд сүүлийн үед яагаад гэнэт их хэмжээгээр алдагдах болсныг тодруулахаар Цагдаагийн болон Тагнуулын ерөнхий гаэрын холбогдох албан тушаалтнуудад хандсан боловч тэд энэ талаар ам ч ангайж болохгүй гэсэн тушаалтай гээд толгой сэгсэрцгээв. Юутай ч тэсэлгээний журмаар хэрэглэдэг гэхчлэн хортой бодисуудын талаархи жагсаалт, мэдээлэл дээрх гаэруудад лав тодорхой байдаггүй бололтой. Тиймээс ч тэд өчигдөр өглөөний шуурхай хуралдаануудаараа холбогдох газруудыг шалгаж, тэсэрч дэлбэрэх хортой бодисууд хэдий хэр хэмжээгээр, хаана хаана байдгийг судалж, нэгдсэн бүртгэлд оруулахыг онцгойлон үүрэгдсэн гэнэ. Борнуурын уурхайгаас алдагдсан амнит нэртэй бодис нь хил гаалийн хяналт шалгалгаар төдийлөн илэрч мэдэгддэггүй, гурил шиг нунтаг шар зүйл байдаг аж. Хэдэн жилийн өмнө Японд яг энэ бодисыг нуруундаа үүрсэн нэгэн амиа золиослогч гаалийн шалгалтыг саадгүй нэвтэрч, улмаар метронд тэслэн олон хүний аминд хүрч байсан удаатай юм байна.

С. МАРАЛ
(өдрийн сонин 2005-07-20 172)