Радиог тэр үед дөнгөж нээсэн байсан ч радио хэрэглэгчдийн тоо хурдтай өсөж байсан нь тэдний хувьд бөөн олз байсан бөгөөд үүнээс дутуугүй ач холбогдолтой зүйл нь киног дуутай хийж эхэлсэн явдал байлаа. Шинэ санааг үндэслэгч гуравт өөрсдийн идеаг ажил хэрэг болгох хөрс ийнхүү бүрэлдлээ.

1927 оны 01 сарын 27-нд Луис В.Майер баяр ёслолын арга хэмжээ зохион байгуулж 33 хүнд урилга илгээсэн байна. Ирсэн зочдын дунд Холливудын од, найруулагч Сесил Б. Демилл, Warner Brothers-ын ах дүү Жак, ба Хенри Варнер нарын нэр нөлөө бүхий улсууд байсан нь уг арга хэмжээний нэр хүндийг өсгөж байсан юм. Энэ үдэш Нибло, Нэгел, Майер гурав өөрсдийн юу хийхээр төлөвлөснөө хүмүүст анх удаа толилуулжээ…

1929 оны 05 сарын 16 нд (Меритийн шагнал гардуулах академи гэж тухайн үед нэрлэж байсан) Америкийн кино урлагийн академи, киноны уран бүтээлчдэд анхныхаа шагналыг гардуулсан нь одоогийн Оскар-ын шагнал гардуулах ёслолын эхний арга хэмжээ болж түүхэнд үлдсэн билээ. Хэвлэл мэдээллийнхэн тухайн үед энэ тухай огтхон ч сонирхоогүй бөгөөд гагцхүү хэд хэдэн томоохон сонины өчүүхэн бага зайд цухас дурдсан мэдээ төдий бичсэн байсан гэнэ.

1930 оны шагнал гардуулах ёслолын тухай харин радиогоор анх мэдээлсэн бол үүнээс 18 сарын дараа, Оскар-ын шагнал гардуулах ёслол дээр АНУ-ын дэд ерөнхийлөгч хүрэлцэн ирсэн нь тус академийн хийж буй ажил хэр амжилтанд хүрсэний нотолгоо болж өгсөн юм.

Оскарын баримлын эхийг бүтээсэн дизайнер Седрик Гибонс(1893-1960), илдэт эрийн загварыг нь зурж суухдаа өөрөө энэхүү мөнхийн бүтээлээрээ буюу Оскар-ын шагналд 33 удаа нэр нь дэвшинэ гэж ёстой зүүдлээ ч үгүй биз. Кино урлагийн түүхэн дэх хамгийн авъаслаг уран бүтээлч, дизайнер тэрвээр өөрийн бүтээсэн бүтээлээр-ээ 11 удаа энгэрээ цоолжээ.

/Olloo.mn/