Монголчууд ОУ-2006 буюу бүртгэл нь 2004 онд явагдсан сугалааны анхны санамсаргүй сонголтод маш амжилттай оролцож 141 буюу өмнөх жилүүдээс дунджаар гурав дахин олон хүн хожсон. Тухайлбал 61 настай, тэт-гэвэртээ гарсан хүн, дээд сургуулийн багш, цагдаа, хувийн компанийн захирал, нягтлан бодогч, хувиараа гутал үйлдвэрлэгч, ажилгүй зэрэг янз бүрийн хүмүүст сугалаа таарчээ. Манайхны дунд тархсан ногоон картанд бүртгүүлсэн бол өөр хэргээр АНУ-д явахаар виз мэдүүлэхэд гай болдог гэсэн яриа бол худлаа цуу юм. Ер нь ногоон карт бөглөхөд доорхи зүйлийг анхаарууштай байдаг.
Үүнд -Англи хэлний анхан шатны ч мэдлэггүй хүн өргөдлийг алдаатай бөглөх,
-Зургийн электрон үзүүлэлтийн шаардлагыг хангасан боловч фото үзүүлэлтийг хангаагүйгээр АНУ-ын Кентакийн консулын төвд очоод зураг гологдож хасагдах,
-Бүртгүүлсэн батламжийг тэр даруй олгохгүй байх /Энэ нь бүртгэлийг АНУ руу явуулаагүй байх магадлал ихтэй,
-Үйлчлүүлэгчийн шуудангийн найдвартай хаягийг асуугаагүйгээс хожил таарсан хүний захиа төөрөх, алга болох,
-Хуурч мэхлэх замаар мөнгө олох эрмэлзэлтэй хүмүүс, байгууллагаар үйлчлүүлэх. Тухайлбал өнгөрсөн онд US Mongols гэдэг ком-пани Үнэгүй бүртгэж байна гэсэн зараар маш олон хүнийг цуглуулаад очсон хүнээс фото зургийн, маягтын хураамж авч байсан. Харамсалтай нь олон хүний өргөдлийг цааш нь АНУ руу явуулаагүй байсан байна.

Д.ЦОЛМОН
(өдрийн сонин 2005-09-23 229)